रास्वपा सुदूरपश्चिम प्रदेश समितिको सभापतिमा प्रकाश विष्ट निर्वाचित

काठमाण्डौ । राष्ट्रिय स्वतन्त्र पार्टी (रास्वपा) सुदूरपश्चिम प्रदेश समितिको सभापतिमा इन्जिनियर प्रकाश विष्ट निर्वाचित भएका छन् ।

बुधबार सम्पन्न निर्वाचनको अन्तिम मतपरिणामअनुसार विष्टले कुल ३५८ मत प्राप्त गर्दै सभापति पदमा स्पष्ट बहुमतसहित विजय हासिल गरेका हुन् । 

निकटतम प्रतिस्पर्धी जनकसिंह धामीले १५४ मत प्राप्त गरे ।

निर्वाचन प्रक्रियामा प्रदेश समितिका प्रतिनिधिहरूको सहभागिता रहेको थियो ।  

मतदानपछि सार्वजनिक गरिएको अन्तिम नतिजासँगै विष्टले सुदूरपश्चिम प्रदेशको नेतृत्व सम्हाल्ने भएका छन् ।

निर्वाचन परिणामअनुसार विष्टले प्रतिस्पर्धी धामीलाई उल्लेखनीय मतान्तरले पराजित गरेका हुन् ।  

यससँगै रास्वपाको सुदूरपश्चिम प्रदेश संगठन औपचारिक रूपमा नयाँ नेतृत्वमा प्रवेश गरेको छ ।