.gif)
(2).gif)
_(1).gif)
.png)
काठमाण्डौ । बंगलादेशको केन्द्रीय बैंकले ब्याजदर बढाउने भएको छ । बंगलादेशको केन्द्रीय बैंकका नवनियुक्त गभर्नर डा.अहसन मन्सुरले बीबीसीसँगको अन्तर्वार्ताका क्रममा ब्याजदर बढाउने घोषणा छिट्टै गरिने बताएका हुन् ।
गभर्नर मन्सुरले एक-दुई दिनमै ब्याजदर ८.५ प्रतिशतदेखि ९ प्रतिशतसम्म बढाइने बताए । यस्तै उनले मुद्रास्फितीलाई नियन्त्रण गर्न आगामी दिनमा ब्याजदर १० प्रतिशतभन्दा बढी पुर्याइने जानकारी दिए ।
.gif)
राजनीतिक उथलपुथलका कारण गारमेन्टको निर्यात नराम्ररी प्रभावित बन्दा र घट्दो रेमिट्यान्सका कारण मुद्रामा दबाब पर्दा यतिबेला बंगलादेशमा मूल्यवृद्धि उच्च छ । अन्तराष्ट्रिय मुद्रा कोष(आईएमएफ)ले बंगलादेशलाई ४.७ अर्ब डलर प्रदान गर्दै मौद्रिक नीतिमा कडाई गर्न र विनिमयदर लचिलो बनाउन भनेको छ ।
गभर्नर मन्सुरले आईएमएफबाट थप ३ अर्ब डलर सहायताका लागि छलफल भईरहेको बताएका छन् । उनका अनुसार विश्व बैंकबाट थप १.५ अर्ब डलर र एशियाली विकास बैंक र जाईकाबाट १ अर्ब डलर सहायता लिने विषयमा पनि योजना बनिरहेको छ ।
यो महिनाको सुरुवाततिर पूर्व प्रधानमन्त्री शेख हसिनाविरुद्ध भएको आन्दोलनका बेला भएको इन्टरनेट बन्द र कर्फ्यु जस्ता कारणले समेत मूल्यवृद्धि भएको छ ।
आईएमएफमा ३ दशक बिताएका वरिष्ठ अर्थशास्त्री डा.मन्सुरलाई गत साता गठन भएको मोहम्मद युनुस नेतृत्वको अन्तरिम सरकारले केन्द्रीय बैंकको गभर्नर नियुक्त गरेको छ ।
.png)
.jpg)
.jpg)
(1).gif)
.gif)
