नेपालकी पहिलो महिला प्रधानमन्त्री सुशीला कार्कीले लिइन सपथ, प्रतिनिधिसभा विघटनको सिफारिस

काठमाण्डौ । सुशीला कार्कीले नेपालको पहिलो महिला प्रधानमन्त्रीको रूपमा शीतलनिवासमा आयोजित एक विशेष समारोहमा शपथ ग्रहण गरेकी छिन्। राष्ट्रपति रामचन्द्र पौडेलले उनलाई प्रधानमन्त्री पदको शपथ खुवाएका हुन्। यो ऐतिहासिक क्षणले नेपालको राजनीतिक इतिहासमा नयाँ अध्याय थपेको छ।

जेन–जी (युवा पुस्ता) आन्दोलनको बलमा गत साता प्रधानमन्त्रीमा नियुक्त भएकी कार्कीले शपथ ग्रहणलगत्तै साढे दुई वर्ष बाँकी रहेको प्रतिनिधिसभा विघटनको सिफारिस गरेकी छिन्। उनको नेतृत्वमा बसेको पहिलो मन्त्रिपरिषद् बैठकले यो निर्णय गरेको हो, जुन नेपालको संसदीय इतिहासमा दुर्लभ र महत्त्वपूर्ण घटनाको रूपमा दर्ज भएको छ।

कार्कीको यो कदमले राजनीतिक वृत्तमा व्यापक चर्चा र बहसको वातावरण सिर्जना गरेको छ। नवगठित सरकारको यो निर्णयले मुलुकको राजनीतिक भविष्य र जननिर्वाचित संसद्को भूमिकामाथि प्रश्नहरू खडा भएका छन्।