घर मर्मतसम्बन्धी सबै काम मोबाइल एप बाटै

काठमाण्डौ । विश्वजगतमा हरेक दिन प्रविधिले फड्को मारीरहदा नेपालमा पनि घर सम्बन्धी सम्पूर्ण किसिमको सेवा दिने मोबाइल एप्लिकेशन सेवा एपले बिगत २ वर्ष देखि सेवा दिइ रहेको छ । जसमा एउटा घरधनीलाई आवश्यक हुने सबै किसिमका सुबिधाहरुः घरभाडा सम्झौता , घरभाडा डायरी देखि धारा बिजुली बनाउने कामदार र त्यस्ता कामको सुपरिवेक्षणका लागि प्राबिधिक इन्जिनियर सम्म बोलाउन सकिने फिचरहरु छन् ।  

यस एपले बिशेषत काठमाण्डौ उपत्यकाभित्र सेवा दिइरहेको छ । तथापी देशका मुख्य शहरहरु पोेखरा, चितवन, इटहरी, बुटवलबाट पनि यसको माग बढ्दो रहेको संस्थापक प्रशान्त प्रधान बताउछन् ।  

संस्थापकका अनुसार हाल यो एपमा १३ हजार ग्राहक र २ हजार प्राबिधिकहरु जोडिएका छन् । तरपनि प्रायः ग्राहकहरु एपबाट भन्दा पनि सिधै सम्पर्क गरेर सेवा लिन चाहने भएकाले घरधनी उमेरका समुह प्रबिधिमैत्री भईनसकेको कम्पनीले जनाएको छ ।  

सेवा एपलाइ बिशेषत मोडुलर किचेन, नयाँ कोठा निर्माण, स्काइ लाइट, बाथरुम निर्माण तथा नबिकरण जस्तो सेवाहरुका लागि ग्राहकहरुले बढी सक्पर्क गर्ने गरेको कम्पनीले जनाएको छ । तुलनात्मक रुपमा कम र निश्चित मूल्य, काम समापन पछिको वारेन्टी, सुपरिवेक्षण सहितको सेवा र इन्जिनियरिङ र आर्किटेक्ट सहितको सेवाका कारण पनि यस कम्पनिमा ग्राहकहरु आकर्षित देखिन्छन ।