नेको इन्स्योरेन्सको हकप्रदमा आवेदन दिने म्याद थप

काठमाण्डौ । नेको इन्स्योरेन्स कम्पनी लिमिटेडले हकप्रद सेयर खरिदका लागि आवेदन दिने म्याद थप भएको छ । कम्पनीले गत फागुन ८ गतेदेखि हाल कायम चुक्तापूँजी २ अर्ब १ करोड २३ लाख रुपैयाँबराबरको १ः०।२५ अनुपातमा रु.१०० अंकित दरका  ५० लाख ३० हजार ९०१.५५ कित्ता हकप्रद निष्कासन गरेको छ ।  

यो हकप्रदमा आवेदन दिने अन्तिम मिति फागुन २८ गते तोकिएको थियो । तर अब भने यो हकप्रद खरिदका लागि चैत १४ गतेसम्म आवेदन दिन सकिने भएको छ ।  

लगानीकर्ताले नेको इन्स्योरेन्सको केन्द्रीय कार्यालय, क्षेत्रिय कार्यालय ,सानिमा क्यापिटल,नेपाल धितोपत्र बोर्डबाट अनुमति प्राप्त आस्बा सेवामा सहभागी बैंक तथा वित्तीय संस्था र तिनले तोकेका शाखा कार्यालयबाट आवेदन दिन सक्नेछन्। यस्तै सीडीएससीको मेरो सेयरबाट पनि अनलाइन आवेदन सकिनेछ।  

कम्पनीले न्यूनतम पूँजी कायम गर्न र कम्पनीको व्यवसाय वृद्धिमा टेवा पुर्याउन हकप्रद सेयर जारी गर्न लागेको जनाएको छ । हकप्रद सेयरको बिक्री प्रबन्धकमा सानिमा क्यापिटल लिमिटेड रहेको छ।  

हकप्रद सेयर निष्काशन प्रयोजनका लागि कम्पनीले गत माघ १८ गते बुक क्लोज गरेको थियो। यसर्थ माघ १७ गतेसम्म नेप्सेमा कारोबार भइ कायम सेयरधनीहरुले मात्रै यो हकप्रद खरिदका लागि आवेदन दिन सक्नेछन्।