.gif)
(1).gif)
(2).gif)
(24).jpg)
.gif)
.png)
काठमाण्डौ । साताको दोसो कारोबार दिन आज पनि नेपाल स्टक एक्सचेञ्च (नेप्से) मा झिनो अंकको सुधार आएको छ । आज नेप्से परिसूचक ०.१० प्रतिशत अर्थात २.८० अंकले बढेर २ हजार ६५८.६६ विन्दुमा पुगेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स भने ०.०५ प्रतिशतले घटेर ४५३.१६ विन्दुमा सीमित बनेको छ । यो दिन नेप्सेमा सूचीकृत मध्ये ३१८ वटा स्क्रिप्टको ३ करोड ३६ लाख ३७ हजार ९६६ कित्ता सेयर १३ अर्ब १८ करोड ६९ लाख रुपैयाँभन्दा बढीको कारोबार भएको छ ।
आजको बजारबारे अर्थशास्त्री सूर्यनारायण पौडेल भन्छन्, ‘बजारमा यतिबेला सेयर एक्युमुलेशन चलिरहेको छ । संस्थागत लगानीकर्ताले मध्यकालका लागि सेयर खरिद गरिरहेको हुन सक्छन् । अहिले समूहगत रुपमा परिवर्त हुँदै स्क्रिप्ट छान्ने सक्नेले राम्रो आर्जन गरिरहेका छन् ।’
उनले बजारलाई कारोबारले समेत साथ दिईरहेको बताए । बैंकको ब्याजदर सस्तो भएका कारण हाईड्रो समूह चलिरहेको उनले बताए ।
अर्का बजार जानकार अजयसिंह थाप(जयशम्भु)भन्छन्,‘समग्रमा बजार २६ सयदेखि २७५० को बीचमा साइडवेज चलेको छ । बजारमा असारको प्रभाव पर्दै जाने भएकाले यो विन्दु अहिलेनै ब्रेक हुने सम्भावना कम देखिन्छ । यद्यपी साउन भदौमा सबैले बजार बढोस् भन्ने चाहेका कारण एउटा स्विङको सम्भावना भने कायमै रहेको देखिन्छ,’उनले भने ।
यो दिन नेप्सेमा सूचीकृत १३ वटा समूहमध्ये ६ वटा समूहमा हरियाली छायो भने ७ वटा समूहमा रातो पोतियो ।
(1).gif)
होटल समूह आज सर्वाधिक बढ्यो । यो समूह आज ४.४७ प्रतिशतले बढ्यो । बैंकिङ समूह पनि आज ०.६० प्रतिशत, विकास बैंक ०.२०,जीवन बीमा ०.३८, लघुवित्त ०.७९,म्युचुअल फण्ड ०.३५ र निर्जीवन बीमा समूह ०.३८ प्रतिशतले बढ्यो ।
आज घटेका ७ वटा समूहमध्ये फाइनान्स समूहमा सर्वाधिक गिरावट आयो । फाइनान्स समूह १.२६ प्रतिशतले घटेको आज हाईड्रो ०.९३, लगानी ०.२१,उत्पादन तथा प्रशोधन ०.०३,अन्य ०.३४ र व्यापार समूह ०.६८ प्रतिशतले घट्यो ।
धेरै कारोबार गर्ने कम्पनीहरु
यो दिन सानिमा माई हाईड्रोको सर्वाधिक सेयर कारोबार भयो । आज यो कम्पनीको ९५ करोड १६ लाख बढीको सेयर कारोबार भयो ।
यस्तै ङादी ग्रुप पावरको ९० करोड ३१ लाख,बुटवल पावरको ५८ करोड ७९ लाख,सिंगटी हाईड्रोको ५७ करोड ७४ लाख र राधी विद्युतको ५४ करोड ७ लाख बढीको सेयर कारोबार भयो ।
धरै कमाउने र गुमाउने कम्पनीहरु
आज नेप्सेमा कारोबार भएका २ वटा कम्पनीको सेयरमूल्यमा मात्रै अपर सर्किट लाग्यो । आज पियोर इनर्जी र पिपुल्स पावरको सेयरमूल्यमा अपर सर्किट लाग्यो ।
कर्पोरेट डेभलपमेन्ट बैंकको सेयरमूल्य पनि आज ८.३७ प्रतिशत,सोल्टी होटलको ६.३० र ओरियन्टल होटलको सेयरमूल्य ५.१३ प्रतिशतले बढ्यो ।
अपर हेवाखोलाको सेयरमूल्य आज सर्वाधिक अर्थात ७.५८ प्रतिशतले घट्यो । श्री इन्भेष्टमेन्टको सेयरमूल्य पनि आज ६.३३ प्रतिशत,सिनर्जी पावरको ४.८४ र उन्नती सहकार्य लघुवित्तको सेयरमूल्य ४.३५ प्रतिशतले घट्यो ।
(2).gif)
.png)
.gif)
(258).jpg)
(1).jpg)
.png)
