स्वस्तिक लघुवित्तको आइपीओले कति पाउला ओपनिङ रेञ्ज ?

काठमाण्डौ । स्वस्तिक लघुवित्तको आइपीओ बाँडफाँड भइसकेको छ । कम्पनीको आइपीओ हिजो बिक्री प्रबन्धक नबिल इन्भेष्टमेन्ट बैंकिङ लिमिटेडमा बाँडफाँड भएको हो ।  

कम्पनीको सेयर १० कित्ताका दरले १९ हजार ५१९ जनालाई १ लाख ९५ हजार १९० सय कित्ता सेयर बाँडफाँड गरिएको छ । बाँकी ५ कित्ता सेयर ५ जनालाई १÷१ कित्ताका दरले बाँडफाँड गरिएको छ । 

सेयर पाउने भाग्मानी लगानीकर्ताहरुमा यतिबेला संस्थाको आइपीओ कति ओपनिङ रेञ्ज पाउला भन्ने कौतुहलताको विषय बनेको छ ।  

कम्पनीको आइपीओले पहिलो कारोबारको लागि १७१.७८ रुपैयाँदेखि अधिकतम ५१५.३४ रुपैयाँसम्म ओपनिङ रेञ्ज पाउने देखिएको छ । नेप्सेले जुनसुकै कम्पनीको सेयर पहिलो कारोबारको लागि वास्तविक प्रतिसेयर नेटवर्थको आधारमा तीनगुणासम्म मूल्य निर्धारण गर्ने भएकाले संस्थाको आइपीओ उक्त रेञ्ज पाउने देखिएको हो । 

स्वस्तिक लघुवित्तको आव २०८०/८१ को वास्तविक प्रतिसेयर नेटवर्थ १७१.७८ रुपैयाँ रहेको छ । कम्पनीले आव २०८१/८२ को वास्तविक नेटवर्थ २०३.९४ रुपैयाँ हुने प्रक्षेपण गरेको छ ।