(1).gif)
(2).gif)
.jpg)
(1).gif)
.png)
काठमाण्डौ । साताको तेस्रो कारोबार दिन आज नेपाल स्टक एक्सचेञ्च (नेप्से) परिसूचक दोहोरो अंकले घटेको छ । आज नेप्से परिसूचक ०.७२ प्रतिशत अर्थात १९.८९ अंकले घटेर २ हजार ७४१.९७ विन्दुमा सीमित बनेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ०.५६ प्रतिशतले घटेर ४७३.६८ विन्दुमा पुगेको छ । यो दिन नेप्सेमा सूचीकृत मध्ये ३२३ वटा स्क्रिप्टको १ करोड ५ लाख ३५ हजार ८७४ कित्ता सेयर ४ अर्ब ४३ करोड ८२ लाख रुपैयाँभन्दा बढीको कारोबार भएको छ ।
आजको बजारबारे बजार जानकार देव गुरागाईं भन्छन्, ‘पछिल्लो समय बजारमा चाडपर्वको प्रभाव देखिन थालेको छ । मानिसहरु चाडपर्वका लागि पैसाको जोहो गर्नतर्फ लागेका छन् । ठूला खेलाडी पनि नाफा बुक गरेर बसेका छन् । यस्तो अवस्थामा साना लगानीकर्ताले मात्रै बजार धान्न सक्ने अवस्था छैन ।’
.gif)
.gif)
यस्तै उनले प्रि–आईपीओमार्फत गोप्य रुपमा पैसा बाहिरिएका कारण समेत बजार प्रभावित बनेको बताए ।
नेपाल सेयरधनी संघका निवर्तमान अध्यक्ष नानीबाबू खरेलले सबैतर्फ सकारात्मक माहौल हुँदा समेत बजार घट्न पुगेको बताए । ‘ गभर्नर र धितोपत्र नियामकहरु सबै पूँजीबजारप्रति सकारात्मक नै छन् । तर विविध कारणले बजार घटिनै रहेको छ । यसमा ब्रोकरको लिमिट पनि एउटा कारण हुनसक्छ,’ उनले भने ।
यद्यपी दशैंअघि बजारमा एकपटक राम्रो सुधार आउन सक्ने उनले विश्वास व्यक्त गरे ।
यो दिन नेप्सेमा सूचीकृत १३ वटै समूहमा रातो पोतियो । व्यापार समूह आज सर्वाधिक अर्थात १.९६ प्रतिशतले घट्यो ।
यस्तै बैंकिङ समूह ०.४० प्रतिशत,विकास बैंक ०.३७, फाइनान्स ०.८१, होटल ०.७६, हाईड्रो ०.९८, लगानी ०.७१, जीवन बीमा ०.१७, उत्पादन तथा प्रशोधन ०.७९,लघुवित्त ०.८५, म्युचुअल फण्ड ०.३४, निर्जीवन बीमा ०.६२ र अन्य समूह ०.२४ प्रतिशतले घट्यो ।
धेरै कारोबार गर्ने कम्पनीहरु
यो दिन नेपाल पुनर्बीमा कम्पनीको सर्वाधिक सेयर कारोबार भयो । आज यो कम्पनीको २२ करोड ७० लाख बढीको कारोबार भयो । हिमालयन रि इन्स्योरेन्सको पनि आज २० करोड ११ लाख, युनियन हाईड्रोको १४ करोड ६९ लाख, दोर्दीखोला जलविद्युतको १४ करोड ४१ लाख र हिमालयन डिष्ट्रिलरीको १४ करोड २६ लाख बढीको सेयर कारोबार भयो ।
धरै कमाउने र गुमाउने कम्पनीहरु
आज नेप्सेमा कारोबार भएको एउटा कम्पनीको सेयरमूल्यमा मात्रै अपर सर्किट लाग्यो । हिमस्टार उर्जा कम्पनीको सेयरमूल्यमा मात्रै आज अपर सर्किट लाग्यो ।
यस्तै युनियन हाईड्रोपावरको सेयरमूल्य ३.६० प्रतिशत र धौलागिरी लघुवित्तको सेयरमूल्य २.०९ प्रतिशतले घट्यो ।
आज उन्नती सहकार्य लघुवित्तको सेयरमूल्य सर्वाधिक अर्थात ७.४७ प्रतिशतले घट्यो । यो दिन दोर्दीखोला जलविद्युतको सेयरमूल्य पनि ७.३२ प्रतिशत, पिपुल्स हाईड्रोपावरको ४.१८ र विकास हाईड्रोपावरको सेयरमूल्य ४.०४ प्रतिशतले घट्यो ।
.png)
.png)
(240).jpg)
.jpg)
.jpg)
.jpg)
