२० जेनजी प्रदर्शनकारीको मृत्युपछि सत्तारुढ दलको बैठक बालुवाटारमा

काठमाण्डौ । जेनजी प्रदर्शनका क्रममा देशभर २० जनाको मृत्यु भई ४०० बढी घाइते भएपछि सत्तारुढ दलको बैठक बालुवाटारमा सुरु भएको छ ।  

प्रमुख सत्तारुढ घटक नेपाली कांग्रेस, नेकपा एमाले लगायतका दलका शीर्ष नेताहरु सम्मिलित बैठक केहीबेरअघिदेखि बालुवाटारस्थित प्रधानमन्त्री निवासमा सुरु भएको हो । 

बैठकमा प्रधानमन्त्री तथा नेकपा एमालेका अध्यक्ष केपी शर्मा ओली, कांग्रेसका शीर्ष नेताहरु, गृहमन्त्री रमेश लेखक, रक्षामन्त्री लगायत सहभागी छन् । सो बैठकले बानेश्वर लगायत देशभरको प्रदर्शनको समीक्षा गरी गठबन्धन सरकारको आगामी रणनीति तयका लागि आवश्यक निर्देश गर्ने बताइएको छ । 

यो बैठक लगत्तै मन्त्रिपरिषद बैठक पनि बालुवाटारस्थित प्रधानमन्त्रीको सरकारी निवासमै बोलाइसकिएको छ । सम्भवतः मन्त्रिपरिषद बैठकले सामाजिक सञ्जालहरुमाथि प्रतिबन्ध लगाउने निर्णय फिर्ता लिनसक्छ ।