प्रचण्डपुत्रीको घरभित्र जलेको अवस्थामा पुरुषको शव फेला

काठमाण्डौ । ललितपुरको ढोलाहिटीस्थित नेकपा (माओवादी केन्द्र)का अध्यक्ष पुष्पकमल दाहाल 'प्रचण्ड'की छोरी गंगा दाहालको घरमा मंगलबार आगजनी भएको छ। सोही घटनामा एक पुरुषको जलेको अवस्थामा शव फेला परेको छ।

जिल्ला प्रहरी परिसर ललितपुरका अनुसार, शव पुरुषको हो ।  

कसको शव हो भन्ने हालसम्म खुलिसकेको छैन ।  

प्रहरीले गंगा दाहालको घरकै सदस्य हो या बाहिरको अरु कोही भन्ने विषयमा पनि अनुसन्धान भइरहेको जनाएको छ ।  

प्रहरीले घटनास्थलको मुचुल्काका लागि टोली पठाइसकेको छ । थप अनुसन्धान भइरहेको बताइएको छ ।