यी ४ कम्पनीको सेयरमूल्य समायोजन

काठमाण्डौ । नेपाल स्टक एक्सचेञ्ज(नेप्से)मा सूचीकृत ४ वटा कम्पनीको सेयरमूल्य समायोजन भएको छ । नेप्सेमा शिखर इन्स्योरेन्स, सन नेपाल लाइफ इन्स्योरेन्स, सिनर्जी पावर डेभलपमेन्ट कम्पनी र कुथेली बुखरी स्मल हाइड्रोको सेयरमूल्य समायोजन भएको हो । यी सब्र कम्पनीले गत आवका लागि आफ्ना सेयरधनीहरुका लागि प्रस्ताव गरेको बोनस सेयरका लागि सेयरमूल्य समायोजन भएको हो ।

समायोजनपश्चात शिखर इन्स्योरेन्सको सेयरमूल्य प्रतिकित्ता ६१५ रुपैयाँ कायम भएको छ । समायोजन हुनुअघि कम्पनीको सेयरमूल्य प्रतिकित्ता ६५१.९० रुपैयाँ कायम थियो । कम्पनीले गत आवका लागि ६ प्रतिशत बोनस सेयर र ०.३१५८ प्रतिशत नगद लाभांश(कर प्रयोजनका लागि)गरी कुल ६.३१५८ प्रतिशत लाभांश वितरणको प्रस्ताव गरेको छ ।

यस्तै सन नेपाल लाइफ इन्स्योरेन्सले प्रस्ताव गरेको ५ प्रतिशत बोनस सेयरका लागि सेयरमूल्य समायोजन हुँदै सेयरमूल्य प्रतिकित्ता ४८९.५२ रुपैयाँ कायम भएको छ । समायोजन हुनुअघि कम्पनीको सेयरमूल्य प्रतिकित्ता ५१४ रुपैयाँ कायम थियो । सन नेपाल लाइफ इन्स्योरेन्सले गत आवका लागि ५ प्रतिशत बोनस सेयर र १५।२६३२ प्रतिशत नगद लाभांश९करसहित० गरी कुल २०।२६६२ लाभांश घोषणा गरेको छ ।

सिनर्जी पावर डेभलपमेन्ट कम्पनीको सेयरमूल्य समायोजन हुँदै प्रतिकित्ता ३९१.०९ रुपैयाँ निर्धारण भएको छ । यो कम्पनीले पनि आव २०८१÷८२ का लागि १० प्रतिशत बोनस सेयर र ०.५२३६ प्रतिशत नगद लाभांशको घोषणा गरेको छ ।  

कुथेली बुखरी स्मल हाइड्रोको १० प्रतिशत बोनस सेयरका लागि सेयरमूल्य समायोजन भएको छ । जसपश्चात कम्पनीको सेयरमूल्य प्रतिकित्ता १ हजार ६५० रुपैयाँ कायम भएको छ । समायोजन अघि कम्पनीको सेयरमूल्य प्रतिकित्ता १ हजार ८१५ रुपैयाँ कायम थियो ।

आजको कारोबारमा नयाँ समायोजित मूल्यका आधारमा यी सबै कम्पनीको सेयर दोस्रो बजारमा कारोबारमा आउनेछन् ।