सेयरबजारमा सामान्य अंकको बढोत्तरी, कारोबार रकममा पनि सुधार

काठमाण्डौ । निरन्तर ओरालो लागिरहेको सेयरबजार साताको अन्तिम कारोबार दिन सामान्य अंकले बढेको छ । नेपाल स्टक एक्सचेञ्च (नेप्से) परिसूचक ०.३३ प्रतिशत अर्थात ८.९७ अंकले बढेर २ हजार ६७१.०७ विन्दुमा पुगेको छ ।

यो दिन बलिया र राम्रा कम्पनीको मापक सेन्सेटिभ इन्डेक्स पनि ०.३३ प्रतिशतले बढेर ४५६.७२ विन्दुमा पुगेको छ । यो दिन नेप्सेमा सूचीकृत मध्ये ३३७ वटा स्क्रिप्टको २ करोड ७७ लाख ८० हजार ५८४ कित्ता सेयर ११ अर्ब १० करोड २५ लाख बढीको सेयर कारोबार भयो । अघिल्ला दिन भने ८ अर्ब ६९ करोड रुपैयाँ बढीको सेयर कारोबार भएको थियो ।

आजको बजारबारे बजार जानकार अर्जुन थापाले देशमा चुनाव नजिकिएसँगै सेयर बजारमा सुधार हुँदै जाने बताए । उनले लगानीकर्तामा यसअघि चुनाव नहुने भन्ने चिन्ता व्याप्त भएका कारण केही समयका लागि बजारमा दबाब आएपनि अब भने बजारले बिस्तारै गति लिने विश्वास व्यक्त गरे ।  

यो दिन नेप्सेमा सूचीकृत १३ वटा समूहमध्ये ८ वटा समूहमा हरियाली छायो भने अन्य ५ वटा समूहमा रातो पोतियो । आज विकास बैंक समूह सर्वाधिक अर्थात १.१८ प्रतिशतले बढ्यो । यस्तै बैंकिङ समूह ०.३४, फाइनान्स ०.३५, हाईड्रो ०.९७, लगानी ०.६२, जीवन बीमा ०.४९, उत्mपादन तथा प्रशोधन ०.६० र म्युचुअल फण्ड ०.२१ प्रतिशतले बढ्यो ।    

होटल समूह सर्वाधिक अर्थात १.६५ प्रतिशतले घटेको आज लघुवित्त ०.०१, निर्जीवन ०.१४, अन्य ०.२६ र व्यापार समूह ०.०९ प्रतिशतले घट्यो ।

धेरै कारोबार गर्ने कम्पनीहरु

आज ङादी ग्रुप पावरको सर्वाधिक सेयर कारोबार भयो । आज यो कम्पनीको ७० करोड ५३ लाख बढीको सेयर कारोबार भयो ।

यस्तै, एसवाई प्यानल नेपालको ४३ करोड ४२ लाख, रिडी पावरको ४१ करोड ९७ लाख र आँखुखोला जलविद्युतको ३९ करोड ९१ लाख बढीको सेयर कारोबार भयो ।  

धरै कमाउने र गुमाउने कम्पनीहरु

आज नेप्सेमा कारोबार भएका कम्पनीहरुमध्ये दुईवटा कम्पनीको सेयरमूल्यमा मात्रै अपर सर्किट लाग्यो। आज मध्य भोटेकोशी जलविद्युत र रसुवागढी हाईड्रोपावरको सेयरमूल्यमा मात्रै अपर सर्किट लाग्यो ।

यस्तै आज खानीखोला हाईड्रोको सेयरमूल्य ७.०२ प्रतिशत, श्रीनगर एग्रीटेकको ६.२९, सान्जेन जलजिद्यूतको ६.१० र क्रेष्ट माईक्रो लाइफको सेयरमूल्य ६.०९ प्रतिशतले बढ्यो ।

कालिञ्चोक दर्शनको सेयरमूल्य आज सर्वाधिक अर्थात ७.५९ प्रतिशतले घट्यो । यस्तै रिडी पावरको सेयरमूल्य ३.४७ प्रतिशत, बन्दीपुर केवलकारको ३.४१ र सिंगटी हाईड्रोको सेयरमूल्य ३.३५ प्रतिशतले घट्यो ।