एकल कृषि कर्जा सुरक्षण योजनासम्बन्धी कार्यशाला सम्पन्न

काठमाण्डौ । फागुन १४ गते बिहीबारका दिन निक्षेप तथा कर्जा सुरक्षण कोष र युएनडीपीको सहकार्यमा ललितपुरको होटल स्क्वायरमा एकल कृषि कर्जा सुरक्षण योजना सम्बन्धी एक कार्यशाला सम्पन्न भएको छ । कार्यशालामा कोष, यूएनडीपी तथा क बर्गका बैकका उच्च व्यवस्थापन तहका पदाधिकारीहरुको सहभागिता रहेको थियो ।

निक्षेप तथा कर्जा सुरक्षण कोष, यूनडीपी तथा छानिएका नौ वटा स्थानीय तहहरुको संयुक्त योगदानमा छुट्टै कोष खडा गरी कृषिसँग सम्बन्धित तोकिएका क्षेत्रमा लगानी गर्न र आम जनताको कर्जामा पहुँच अभिवृद्धि गर्न एकल (ऋणीगत) कर्जा सुरक्षण कार्यक्रम शूरुवात गर्न नमुना परियोजना लागू गर्ने कार्य प्रक्रियामा रहेको छ । यसै सन्दर्भमा कर्जा प्रदायक बाणिज्य बैकहरुको पृष्ठपोषणका लागि यस कार्यशाला आयोजना गरिएको हो ।

राष्ट्रिय बाणिज्य बैक, कृषि विकाश बैक, ग्लोबल आइएमई बैक, लक्ष्मी सनराइज बैक, नेपाल एसबीआई बैक, प्रभु बैक, हिमालयन बैक, एनएमबी बैक, हिमालयन बैक लगायतका बैकहरुका उच्च व्यवस्थापकहरुले कोष र यूएनडीपीको सहकार्यमा तयार भएको स्किमको मस्यौदा उपर सुझाव प्रस्तुत गरेका थिए । 

मस्यौदा उपर प्राप्त सुझावहरुको थप छलफल गरी ग्रहणयोग्य सुझावहरु अनुसरण गरी स्किमलाई अन्तिम रुप दिइने कोषका प्रमुख कार्यकारी अधिकृत रमेश घिमिरेले बताए ।