बौद्धस्थित भाटभटेनी सुपर स्टोर भोलिदेखि पुनः सञ्चालनमा आउने

काठमाण्डौ । काठमाडौँको बौद्धस्थित भाटभटेनी सुपर स्टोर भोलि (आषाढ १० गते, बुधबार) देखि पुनः सञ्चालनमा आउने भएको छ।  

जेन जी आन्दोलनमा भएको तोडफोड र आगजनीपछि बन्द रहेको स्टोर अबदेखि नियमित रूपमा दैनिक सेवा दिने तयारीमा रहेको कम्पनीले जनाएको छ।

भाटभटेनी सुपरमार्केटका प्रमुख सञ्चालन अधिकृत पानू पौडेलका अनुसार स्टोरले भोलिदेखि उपभोक्तालाई नियमित सेवा प्रदान गर्नेछ।  

उनले ग्राहकको सुविधा र सहज पहुँचलाई ध्यानमा राख्दै स्टोरलाई पुनः सञ्चालनमा ल्याइएको जानकारी दिए।

कम्पनीले आधुनिक सुविधा र गुणस्तरीय सेवा निरन्तर उपलब्ध गराउने आफ्नो प्रतिबद्धता कायम रहेको पनि स्पष्ट पारेको छ।  

ग्राहकहरूको आवश्यकता अनुसार सेवा सुधार र व्यवस्थापनलाई थप प्रभावकारी बनाइने बताइएको छ।

यस अवसरमा भाटभटेनीले आफ्ना सम्पूर्ण ग्राहक, शुभेच्छुक तथा सरोकारवालाप्रति आभार व्यक्त गरेको छ।  

साथै आगामी दिनहरूमा पनि निरन्तर साथ, सहयोग र विश्वास रहने अपेक्षा कम्पनीले गरेको छ।