_New.gif)
.jpg)
.png)
काठमाण्डौ । साताको दोस्रो कारोबार दिन आज नेपाल स्टक एक्सचेञ्च(नेप्से) मा दोहोरो अंकको गिरावट आएको छ । आज नेप्से परिसूचक ०.७६ प्रतिशत अर्थात १५.६२ अंकले घटेर १ हजार ९५८.७५ विन्दुमा सीमित बनेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ०.९६ प्रतिशतले घटेर ३४७.८० विन्दुमा पुगेको छ । यो दिन नेप्सेमा सूचीकृत मध्ये ३१० वटा कम्पनीको ६९ लाख ७८ हजार ३२१ कित्ता सेयर २ अर्ब ८९ करोड १३ लाख रुपैयाँभन्दा बढीको कारोबार भएको छ ।
आजको बजारबारे बजार जानकार अजयसिंह थापा(जयशम्भु) भन्छन्, ‘आज केहि ट्रेडर हाबी बन्दा बजार घटेको हो । आज फाइनान्स र विकास बैंकमा नाफा बुक हुँदा बजार घट्न पुगेको हो । अब केहि बजारका लागि केहि सकारात्मक विषयहरु पनि आउँदैछन् । ब्रोकर कमिसन घट्ने भएको छ र बजेटमार्फत पनि केहि सुधार हुन सक्ने देखिन्छ ।’
प्राविधिक रुपमा अहिले १९५० को सर्पोट जोनमा रहेको यहिबाटै पनि बजार फर्कन सक्ने र अधिक करेक्सन भएको खण्डमा १९१० देखि १९ सयसम्म पनि बजार आउन सक्ने थापाले बताए ।
अर्का बजार जानकार दामोदर गजुरेलले सरकारको अस्थिरता र नीतिगत अस्पष्टताका कारण केहि दिनदेखि बजार घटिरहेको बताए । ‘माओवादी सरकारसँग मारवाडी समूदायले विस्वस्त हुन नसक्दा बैंक तथा वित्तीय संस्थामा पैसा भएतापनि बजारमा आउन सकेन । यद्यपी अब बजेट आउँदै गर्दा नेप्से धेरै घट्ने ठाउँ देखिन्न ।’
यो दिन नेप्सेमा सूचीकृत १३ वटा समूहमध्ये विकास बैंक समूहबाहेक अन्य सबै समूहमा रातो पोतियो । आज विकास बैंक समूह ०.२३ प्रतिशतले बढ्यो ।
आज फाइनान्स समूहमा सबैभन्दा धेरै गिरावट आयो । यो समूह १.९६ प्रतिशतले घट्यो ।
.gif)
त्यस्तै बैंकिङ समूह ०.६३, वित्त १.९६, होटल ०.१६,हाईड्रो ०.४४,लगानी ०.६१,जीवन बीमा ०.४६,उत्पादन तथा प्रशोधन ०.२८,लघुवित्त १.८१,म्युचुअल फण्ड ०.१४,निर्जीवन बीमा १.०८,अन्य १.६८ र व्यापार समूह ०.७९ प्रतिशतले घट्यो ।
धेरै कारोबार गर्ने कम्पनीहरु
यो दिन सिटिजन लाइफको सर्वाधिक सेयर कारोबार भएको छ । आज यो कम्पनीको ३१ करोड ९८ लाख बढीको सेयर कारोबार भयो । यो दिन नेपाल फाइनान्सको १० करोड ८१ लाख,पोखरा फाइनान्स ९ करोड ८० लाख, हिमालयन रिको ६ करोड ६५ लाख र गोर्खाज फाइनान्सको ६ करोड ३६ लाख बढीको सेयर कारोबार भएको छ ।
धरै कमाउने र गुमाउने कम्पनीहरु
आज बोटलर्स नेपाल(तराई)को सेयरमूल्य सर्वाधिक अर्थात ९.०३ प्रतिशतले बढ्यो । आज माउन्टेन हाईड्रोको सेयरमूल्य ८.५२ प्रतिशत,सिवाईसी नेपाल लघुवित्तको सेयरमूल्य ५.१३,दिव्यश्वरी हाईड्रोको ४.९२ र बाराही हाईड्रोको सेयरमूल्य ४.०५ प्रतिशतले बढ्यो ।
आज पोखरा फाइनान्स र दोल्ती पावरको सेयरमूल्य सर्वाधिक अर्थात १० प्रतिशतले घट्यो । यससँगै आज यी दुवै कम्पनीको सेयरमूल्यमा नकारात्मक सर्किट लाग्यो ।
त्यस्तै आज पिपुल्स पावरको सेयरमूल्य ७.९४ र समता घरेलु लघुवित्तको सेयरमूल्य ६.३० प्रतिशतले घट्यो ।
.png)
.jpg)
.gif)
.gif)
