.gif)
(1).gif)
.jpg)
_(1).gif)
.png)
काठमाण्डौ । भारतीय धनाढ्य गौतम अडाणीमाथि स्वच्छ इन्धनको नाममा कम गुणस्तरको कोइला बिक्री गरेको आरोप लागेको छ । बेलायतको अखबार ‘फाइनान्सियल टाइम्स’ले भारतको सरकारी स्वामित्वको‘तमिलनाडु जेनेरेशन एण्ड डिस्ट्रीब्युसन कर्पोरेशन(टीएएनजीईडीसीओ)लाई अडाणी ग्रुपले स्वच्छ इन्धनको नाममा कम गुणस्तरको कोइला अधिक मूल्यमा बिक्री गरिरहेको गरेको आरोप लगाएको हो ।
फाइनान्सियल टाइम्सको रिपोर्टका अनुसार अडाणी ग्रुपले सरकारी विद्युत कम्पनीसँग गरेको यो कारोबारले कोइला घोटालाको आरोपमा नयाँ मोड लिएको जनाएको छ । यस्तै रिपोर्टमा ‘अर्गेनाइजेशन क्राइम करप्शन रिपोटिङ प्रोजेक्ट’ले यो घोटालाको सबै कागजातहरु सुरक्षित राखेको उल्लेख गरिएको छ । फाइनान्सियल टाइम्सले सोही दस्तावेजको समीक्षा गर्दै अडाणी ग्रुपमाथि आरोप लगाएको हो ।
रिपोर्टमा अडाणी ग्रुपले इन्धनको गुणस्तरमा धोखाधडी गरेर बम्पर मुनाफा आर्जन गरिरहरको हुन सक्ने जनाइएको छ । अडाणी ग्रुपले सन् २०१४ मा इन्डोनेशियाबाट एक खेप कोइला खरिद गरेको र यसमा प्रति किलोग्राम ३ हजार ५ सय क्यालोरी भएको उल्लेख गरिएको छ । यो कोइला टीएएनजीईडीसीओलाई ६ हजार क्यालोरीको कोइलाको रुपमा बिक्री गरिएको फाइनान्सियल टाइम्सले जनाएको छ । ६ हजार क्यालोरीको कोइलालाई सबैभन्दा मूल्यवान ग्रेडमध्ये एक मान्ने गरिन्छ ।
रिपोर्टमा परिवहन लागतलाई मध्यनजर गर्दै अडाणीले सुरुवाती लगानीको तुलनामा दुई गुणाभन्दा बढी पैसा कमाएको अनुमान गरिएको छ । कम गुणस्तरको कोइलाको प्रयोगले भारतमा हावा प्रदुषणको मात्रा वृद्धि भईरहेको र यसका कारण प्रत्येक वर्ष २० लाख भारतीय नागरिकको मृत्यु भईरहेको छ । यो तथ्यांक सन् २०२२ को एक अध्ययन प्रतिवेदनमा आधारित छ ।
यो रिपोर्टले भारतको चुनावी माहौलमा समेत प्रवशे पाएको छ । यो विषयलाई भारतीय कांग्रेसले आक्रामक रुपमा प्रस्तुत गरेको छ । पार्टी अध्यक्ष राहुल गान्धीले यो घोटालाका विषयमा बीजेपी सरकारलाई निशाना बनाएका छन् । -एजेन्सी
.gif)
.png)
(1).jpg)
.jpg)
.jpg)
.gif)
.gif)
