.gif)
(2).gif)
_(1).gif)
.png)
काठमाण्डौ । अधिकांश फाइनान्स कम्पनीहरु नोक्सानमा छन् । नेपाल राष्ट्र बैंकका अनुसार चालु आर्थिक वर्षको १० महिनासम्ममा ८ वटा फाइनान्स कम्पनीले घाटा ब्यहोर्न पुगेका छन् । सञ्चालनमा रहेका १७ वटा फाइनान्समध्ये वैशाखमसान्तसम्म ८ वटा कम्पनीले घाटा ब्यहोरेका छन् भने ९ वटा कम्पनी नाफामा देखिएका छन् । सो कम्पनीहरुको पनि गत आवको तुलनामा नाफा घट्न पुगेको छ । बढ्दो खराज कर्जा अनुपात (एनपीएल)का कारण आधाजसो फाइनान्स कम्पनीहरु नोक्सानमा छन् ।
१७ वटा फाइनान्स कम्पनी वैशाखसम्म समग्रमा ६९ करोड २६ लाख रुपैयाँ घाटामा छन् । नाफा कमाएका कम्पनीमा सर्वाधिक मञ्जुश्री फाइनान्सले २० करोड ४२ लाख रुपैयाँ नाफा आर्जन गरेको छ ।
.gif)
त्यस्तै, नाफाको आधारमा दोस्रो सूचीमा गोर्खाज फाइनान्स छ । गोर्खाजले वैशाखसम्ममा ६ करोड ५३ लाख रुपैयाँ नाफा कमाएको छ । तेस्रो स्थानमा रहेको आइसीएफसीले पनि ४ करोड ८९ लाख रुपैयाँ नाफा कमाएको छ । साथै श्री इन्भेष्टमेन्ट एण्ड फाइनान्सले ३ करोड ५७ लाख, नेपाल सेयर मार्केट एण्ड फाइनान्सले २ करोड ८ लाख, मल्टीपर्पस फाइनान्सले १ करोड ९३ लाख, क्यापिटल मर्चेन्ट बैंकिङ्ग एण्ड फाइनान्सले १ करोड ५३ लाख रुपैयाँ, बेष्ट फाइनान्स ३९ लाख र नेपाल फाइनान्सले १२ लाख रुपैयाँ नाफा कमाएका छन् । वैशाखसम्ममा आधा जसो फाइनान्स कम्पनीहरु भने घाटामा देखिएका छन् ।
फाइनान्स कम्पनीहरुको खराब कर्जा नियन्त्रण नहुँदा घाटा ब्यहोर्न पुगेका हुन् । सबैभन्दा धेरै घाटा पोखरा फाइनान्सले व्यहोरेको छ । बैशाखसम्म आइपुग्दा कम्पनी १७ करोड ३३ लाख रुपैयाँ नोक्सानीमा देखिएको छ । यता, समृद्धि फाइनान्स पनि १३ करोड ३६ लाख बढी घाटामा छ । त्यसैरि गुडविल फाइनान्स ७ करोड ४८ लाख, प्रोग्रेसिभ फाइनान्स ६ करोड १४ लाख, सेन्ट्रल फाइनान्स ५ करोड २३ लाख, रिलायन्स ५ करोड २ लाख र गुहेश्वरी मर्चेन्ट बैंकिङ्ग पनि ४ करोड ९७ लाख रुपैयाँ नोक्सानीमा छन् ।
.png)
(186).jpg)
.jpg)
(1).jpg)
(1).gif)
.gif)
