(1).gif)
(1).gif)
.gif)
.png)
काठमाण्डौ । अमेरिकासहित पश्चिमा देशहरुले प्रतिबन्ध लगाएको रुसको सबैभन्दा ठूलो निजीस्तरको बैंकले चीनमा आफ्नो व्यवसाय विस्तार गर्ने भएको छ । रुसको अल्फा बैंकले विश्वकै दोस्रो ठूलो अर्थतन्त्र भएको चीनमा आफ्नो उपस्थिती जनाउन लागेको हो ।
अमेरिकासहित पश्चिमा देशहरुले प्रतिबन्ध लगाएका रुसी धनाढ्य मिखाइल फ्रिडम्यानको स्वामित्वमा रहेको अल्फा बैंकले व्यवसायका लागि चीनमा वेबसाइट र सपोर्ट सर्भिस लञ्च गरेको छ ।
यसका साथै बैंकले चीनको राजधानी बेईजिङ र साङघाईमा शाखा कार्यालय समेत स्थापना गर्ने योजना बनाएको छ । यी शाखा कार्यालयहरु सञ्चालनमा आए भने चीनका यी दुई प्रमुख शहरमा शाखा कार्यालय स्थापना गर्ने अल्फा निजीस्तरको पहिलो रुसी बैंक बन्नेछ । यसले रुसी व्यवसायीलाई चीनमा सहज तरिकाले काम गर्न सहयोग गर्ने बैंकले जनाएको छ ।
यो बैंक अल्फा ग्रुपको एउटा अंश हो । अल्फा ग्रुप रुसको सबैभन्दा ठूलो वित्तीय तथा लगानी समूह हो । जसको संस्थापक फ्रिडम्यान हुन् । रुसले सन् २०२२ मा युक्रेनमा आक्रमण गरेपछि अमेरिका र युरोपेली युनियनले अल्फा ग्रुप र यससँग जोडिएका व्यक्तिहरुमाथि प्रतिबन्ध लगाएको थियो ।
.gif)
यो प्रतिबन्धले रुसका बैंकहरु नराम्ररी प्रभावित बनेका छन् । अल्फा बैंकले सन् २०२२ मा ११७.१ बिलियन(१.४४ बिलियन डलर) रुबेलबराबरको घाटा व्यहोरेको थियो । त्यसको एक वर्षपछि अर्थात सन् २०२३ मा बैंकले पुनरागमन गर्दै १२०.९ बिलियन रुबेलबराबरको नाफा आर्जन गर्न सफल भएको थियो ।
अमेरिका र रुसबीचको विवादमा चीनले तटस्थ रहेको जनाएको थियो । तर विभिन्न क्षेत्रमा चीनले रुससँग साझेदारी बढाएको छ । गत वर्ष रुससँग हालसम्मकै उच्च व्यापार भएको थियो । गत वर्ष रुससँग चीनले २४०.१ बिलियन डलरबराबरको व्यापार गरेको थियो । जुन सन् २०२२ को तुलनामा २६ प्रतिशतले बढी हो ।
गत वर्ष चीन र रुस दुवैले ९५ प्रतिशत कारोबार रुबेल र युआनमा गर्दै डलरमाथिको निर्भरता कम गरेका छन् । -एजेन्सी
(1).gif)
(1).gif)
(2).gif)
.png)
.gif)
.jpg)
.jpg)
.jpg)
.jpg)
(1).gif)
