(1).gif)
(2).gif)
.png)
काठमाण्डौ । करिब ३ महिनाअघिदेखि बन्द रहेको हेटौँडा सिमेन्ट उद्योगले आजदेखि पुनःउत्पादन सुरु गरेको छ । उद्योगको आगो बाल्ने भट्टीका साथै केही उपकरण मर्मतसम्भार गर्नुपर्ने भएकाले २ हप्ताका लागि उत्पादन बन्द गरिएको थियो ।
उद्योगका नायब महाप्रबन्धक नवीनकुमार कर्णका अनुसार उद्योगबाट अवकाश पाएका कर्मचारीले आफूले पाउने उपदान र औषधि उपचार खर्चको एकमुष्ठ रकम भुक्तानी नगरेको भन्दै कर्मचारीले लामो समयसम्म हड्ताल जारी राखेकाले सिमेन्टको उत्पादन सञ्चालन हुन सकेको थिएन । तर अहिले निवृत्त भएका कर्मचारीले हड्ताल स्थगित गरेपछि आजदेखि नियमित उत्पादन र प्याकिङ गर्ने काम सञ्चालन भएको हो ।
.gif)
अहिले उद्योगमा अहिले पटकपटक गरी करिब ४ हजार ५ सय मेट्रिक टन कोइला बोलपत्रद्वारा आह्वान गरी आपूर्ति भईरहेको छ । जसकारण अब नियमित रुपमा सिमेन्ट उत्पादन भइरहने उद्योगले जनाएको छ ।
हेटौँडा सिमेन्ट उद्योगबाट विसं २०४३ मङ्सिर २६ गतेदेखि व्यावसायिक रुपमा सिमेन्टको उत्पादन सुरु गरिएको थियो ।
.png)
.png)
(2).jpg)
.jpg)
