.gif)
(2).gif)
_(1).gif)
.png)
काठमाण्डौ । भारतको सबैभन्दा ठूलो बजेट एयरलाइन्स इन्डिगोले महिला यात्रुहरुका लागि विशेष प्रकारको टिकट बुकिङ फिचर ल्याएको छ । कम्पनीले यो फिचरअन्तर्गत महिलाहरुलाई पुरुष यात्रु नजिकको सिटको बुकिङ अस्विकार गर्ने सुविधा प्रदान गरेको छ ।
कम्पनीले पहिलोपटक यस्तो फिचर ल्याएको हो । कम्पनीले महिला यात्रुहरुले सिट बुकिङ गरेपछि सिट सेलेक्सन पेजलाई पिंक कलरले जनाउने भएको छ । यद्यपी यसको जानकारी पुरुष यात्रुहरुले भने थाहा पाउँदैनन् ।
.gif)
यस्तै कम्पनीले टिकट खरिद गर्दा महिला÷पुरुष वा अन्य भए खुलाउनु पर्ने व्यवस्था गरेको छ । जसका कारण कम्पनीलाई सिट व्यवस्थापनमा नियन्त्रण गर्न सजिलो हुनेछ ।
यो नयाँ व्यवस्था सबै विमानमा उपलब्ध हुने कम्पनीले जनाएको छ । तर मोबाइल एप र कम्पनीको वेबसाइटमा भने यो फिचर देखाएको छैन ।
कम्पनीको यो नयाँ फिचरको यतिबेला प्रशंसा भईरहेको छ । यो फिचरले महिला यात्रुहरुलाई सुरक्षित र आरामदायी यात्रा गर्न सजिलो हुने प्रतिक्रियाहरु आईरहेका छन् ।
तर केहीले भने यसलाई लैङ्गीक विभेद भन्दै विरोध गरेका छन् ।
सन् २०२३ मा इन्डिगो १०० मिलियन यात्रु बोक्ने भारतको पहिलो यात्रुवाहक विमान कम्पनी बनेको थियो ।
.png)
.jpg)
.jpg)
(1).gif)
.gif)
