.gif)
(1).gif)
(51).jpg)
_(1).gif)
.png)
काठमाण्डौ । साताको चौथो कारोबार दिन आज नेपाल स्टक एक्सचेञ्च (नेप्से) झिनो अंकले बढेको छ । आज नेप्से परिसूचक ०.१३ प्रतिशत अर्थात ३.८० अंकले बढेर २ हजार ७८६.४० विन्दुमा पुगेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ०.३३ प्रतिशतले बढेर ४९८.१५ विन्दुमा पुगेको छ । यो दिन नेप्सेमा सूचीकृत मध्ये ३१२ वटा स्क्रिप्टको ३ करोड ५० लाख ७ हजार ३९ कित्ता सेयर १३ अर्ब ७२ करोड २७ लाख रुपैयाँभन्दा बढीको कारोबार भएको छ ।
आजको बजारबारे सेयर लगानीकर्ता संघ नेपालका कार्यवाहक अध्यक्ष तारा फुल्लेल भन्छन्, ‘विगत एक महिनादेखि बढिरहेको बजारमा हिजोआज केही नाफा बुक भएको देखिन्छ । लगातार घटिरहेको बजारमा आज सामान्य अंकको भएपनि वृद्धि हुनुलाई बजार सम्हालिदै गरेको भन्न सकिन्छ । यद्यपी यसको पृष्टि भने आगामी कारोबारले गर्नेछ ।’
अघिल्लो दिन १११ अंकले घटेको बजारमा आज प्यानिक सेल नआउनु नै बजारका लागि शुभ संकेत भएको उनले बताए । बजारमा राजनीतिक विषयका बारेमा फैलिएको खबर अफवाह मात्रै भएको बताउँदै फुल्लेलले लगानीकर्तालाई त्यस्ता आधारहिन हल्लाका पछि नलाग्न सुझाव दिए ।
नेपाल पूँजी बजार लगानीकर्ता संघकी अध्यक्ष राधा पोखरेलले आज पनि बजारमा नाफा बुक हाबी भएको र ब्रोकरबाट उधारोमा सेयर कारोबार गर्नेले बिक्री दबाब दिदा बजार खासै सुधार आउन नसकेको बताइन् । ‘सेयर बजार घटेपनि बढने र बढेपनि घट्ने बजारको सामान्य प्रक्रिया हो । त्यसैले लगानीकर्ताले जोखिम हेरेर लगानी गर्नु पर्ने हुन्छ ,’उनले भनिन् ।
यो दिन नेप्सेमा सूचीकृत १३ वटा समूहमध्ये ७ वटा समूहमा हरियाली छायो भने अन्य ६ वटा समूहमा रातो पोतियो । आज लगानी समूह सबैभन्दा धेरै बढ्यो । यो समूह आज १.०१ प्रतिशतले बढ्यो । साथै, आज बैंकिङ समूह ०.९२ प्रतिशत,होटल ०.०९,हाईड्रो समूह ०.४९,उत्पादन तथा प्रशोधन ०.०३,म्युचुअल फण्ड ०.९३ र अन्य समूह ०.०९ प्रतिशतले बढ्यो ।
यस्तै आज विकास बैंक समूह ०.८० प्रतिशत,वित्त १.६९ प्रतिशत,जीवन बीमा ०.४४ प्रतिशत,लघुवित्त १.०८ प्रतिशत,निर्जीवन बीमा ०.९७ र व्यापार समूह १.४३ प्रतिशतले घट्यो ।
धेरै कारोबार गर्ने कम्पनीहरु
यो दिन चन्द्रागिरी हिल्सको सर्वाधिक सेयर कारोबार भयो । यो कम्पनीको आज ४३ करोड ७ लाख,नेपाल फाइनान्सको ४१ करोड ५९ लाख,हिमालयन रि इन्स्योरेन्सको ३८ करोड १० लाख,अपि पावरको ३३ करोड ९७ लाख र अरुण भ्याली हाईड्रोको ३२ करोड २० लाख बढीको सेयर कारोबार भयो ।
धरै कमाउने र गुमाउने कम्पनीहरु
आज नेप्सेमा कारोबार भएका ६ वटा कम्पनीको सेयरमूल्यमा सकारात्मक सर्किट लाग्यो । आज लिबर्टी इनर्जी, हिमालयन हाईड्रोपावर,मिड सोलु हाईड्रो,आत्मनिर्भर लघुवित्त,माई खोला हाईड्रो र पिपुल्स पावरको सेयरमूल्यमा अपर सर्किट लाग्यो ।
यस्तै आज थ्रि स्टार हाईड्रोको सेयरमूल्य ७.७९ प्रतिशत,एचआईडीसीएलको ५.६५ र मन्दाकिनी हाईड्रोको सेयरमूल्य ४.७६ प्रतिशतले बढ्यो ।
यो दिन कर्णाली डेभलपमेन्ट बैंकको सेयरमूल्य सर्वाधिक अर्थात ६.८८ प्रतिशतले घट्यो । स्वरोजगार लघुवित्तको सेयरमूल्य आज ५.१६ प्रतिशत,अपर सोलु हाईड्रेको ५.१६ र मल्टीपर्पस फाइनान्सको सेयरमूल्य ४.९४ प्रतिशतले घट्यो ।
.gif)
.png)
(150).jpg)
.png)
.png)
.jpg)
.jpg)
.gif)
.gif)
