के धेरै पढ्नु बेकार हो ? ओभरक्वालिफाइड भएकै कारण जागिर नदिइएपछि छेडियो नयाँ बहस

काठमाण्डौ । के कसैलाई उच्च शिक्षा(ओभर क्वालिफिकेसन) भएको कारणले जागिरबाट अस्वीकार गर्न सकिन्छ ? यो घटना अनु शर्मा नामकी एक गुगल कर्मचारीसँग भएको हो । यी कर्मचारीले स्टार्टअपमा जागिरका लागि आवेदन दिएकी थिइन् । तर स्टार्टअपले उनको योग्यता निकै धेरै रहेको भन्दै काम दिन अस्वीकार गरेको थियो ।

अनु शर्माले आफ्नो सोसल मिडिया अकाउन्टमा आफ्नो अस्वीकारको स्क्रिनसट पोस्ट गरेकी छिन् । उनले स्क्रिनसटसँगै पोस्टमा लेखेका छन्, 'मलाई थाहा थिएन कि तपाई धेरै राम्रो भएकोले रिजेक्ट हुन सक्नुहुन्छ।'

अनु शर्मा गुगलमा सफ्टवेयर इन्जिनियर हुन्। उनले स्टार्टअपमा जागिरका लागि आवेदन दिएकी थिइन् । त्यो स्टार्टअपले उनलाई त्यो पदको लागि योग्यता धेरै उच्च भएको भन्दै काम दिन अस्वीकार गरिदियो ।  

स्टार्टअपले जवाफमा लेख्यो, 'तपाईको रिजुमेको समीक्षा गरिसकेपछि हामीले उम्मेदवार चाहिने पदका लागि तपाईको योग्यता निकै उच्च रहेको फेला पार्यौं। हाम्रो अनुभवको आधारमा, उच्च योग्यता भएका उम्मेदवारहरू प्रायः कामसँग असन्तुष्ट हुन्छन्। उनीहरु भर्ना भएलगत्तै जागिर छोड्छन् ।'

अनु शर्माको यो पोस्टमा धेरैले प्रतिक्रिया दिइरहेका छन् । अहिलेसम्म यो पोस्टलाई १ लाख ४० हजारले लाइक गरेका छन् । धेरै प्रयोगकर्ताहरूले यसलाई पुनः पोस्ट गरेका छन्। यसमा कमेन्ट गर्नेहरुको समेत लाइन लागेको छ । 

अनु शर्माको यो पोस्टले सामाजिक सञ्जालमा ओभरक्वालिफाइड हुनु नराम्रो हो कि होइन भन्ने बहस सुरु गरेको छ ।  

यस्तो समयमा जब कर्मचारीहरूले आफ्नो सीप वृद्धि गर्न अनलाइन पाठ्यक्रमहरूको मद्दत लिइरहेका छन्। यस्तो अवस्थामा उनीहरुलाई पनि त्यस्तै हुनसक्छ कि भन्ने प्रश्न उठ्छ ।

यो पोस्टमा एक प्रयोगकर्ताले लेखेका छन् कि उनले प्रतिष्ठित स्कुलबाट पढेको भन्दै कम्पनीले उनलाई काम दिन अस्वीकार गरेको थियो ।