सीइओलाई एक्लै बनाएर सञ्चालकहरुले एकैपटक दिए राजिनामा , कम्पनीको भ्यालु ६ अर्ब डलरबाट १५ करोड डलरमा सीमित

काठमाण्डौ । एकैछिन सोच्नुस् त कुनै पनि कम्पनीको सबै सञ्चालकहरुले भटाभट राजीनामा दिएर कम्पनीको सीईओ मात्रै बाँकी हुँदा कम्पनीको हालत के होला ? झट्ट सुन्दा असम्भव लागेपनि यो घटना यथार्थमा परिणत भएको छ ।  

क्यालिफोर्नियाको एक सहरमा एक कम्पनीका सञ्चालकहरुले सीईओलाई एक्लै छाडेर राजीनामा दिएका छन् । क्यालिफोर्नियाको सिटी सान फ्रान्सिस्कोस्थित डीएनए कम्पनी ‘२३ एण्ड मी’मा सञ्चालक समितिका सबै सदस्यहरुले एकैसाथ राजीनामा दिएपछि कम्पनीमा प्रमुख कार्यकारी अधिकृत एक्लै बाँकी भएका छन् ।  

यो घटना १७ सेप्टेम्बरको हो तर अहिले सामाजिक सञ्जालहरुमा यो विषयमा चर्चा बढ्न थालेको छ । फर्च्युन रिर्पोटका अनुसार उक्त कम्पनीमा सञ्चालकहरुले एकैपटक राजीनामा दिनुको मुख्य कारण सीईओ एनी वोज्किकी हुन् ।  

मानिसहरुले यसघटनालाई लिएर आ–आफ्नै तरिकाबाट आलोचना गर्न थालेका छन् । स्रोतका अनुसार यस घटनामा २३ एण्ड मी कम्पनी, युट्युब र गुगलको सीइओ एकआपमा सम्बन्धित रहेको अर्थात् जोडिएको अनुमान लगाएका छन् ।  

एनी वोज्किनी सन् २००७ देखि २०१५ सम्म गुगलका सह–संस्थापक सर्जी ब्रिनकी श्रीमति थिइन् । तर अहिले उनीहरुको सम्बन्ध विच्छेद भइसकेको स्रोतले जनाएको छ । स्रोतका अनुसार एनीकी बहिनी सुसान वोज्किकी युट्युबको पूर्व सीईओ थिइन् । यसकारण यो घटनामा युट्युब र गुगलको सीइओ पनि एकआपसमा सम्बन्धित रहेको भन्दै सामाजिक सञ्जालमा आलोचना भइरहेको छ ।  

सञ्चालक सदस्यले राजीनामा दिनुको कारण यस्तो छ  

एनी वोज्किकीले सन् २००६ मा लिन्डा एवे र पल कुुसेन्जासँग मिलेर २३ एण्ड मी कम्पनी सञ्चालन गरेका थिए । पल कुसेन्जाले सन् २००८ मा नै कम्पनी छाडेका थिए भने लिन्डा एवेलाई भने अल्जाइमर्समा अनुसन्धान गर्न भन्दै कम्पनीबाट निकालिदिएका थिए । त्यसपछि कम्पनीमा एनी एक्लै थिए ।  

फरच्युन रिर्पोटका अनुसार सन् २००९ मा ‘२३ एण्ड मी’ कम्पनी चरम सीमामा थियो । तर त्यहाँ कम्पनीको अवस्था भने राम्रो नरहेको स्रोतले जनाएको छ ।  

फेरी त्यहि अवस्था १५ वर्षपछि सोही कम्पनीमा दोहोरिएको स्रोतले जनाएको छ । सन् २०२१ सम्ममा कम्पनीको भ्यालुएसन ६ अर्ब डलर पुगेको थियो । तर हाल कम्पनीको मूल्यांकन १५ करोड डलरमा सीमित भएको स्रोतले जनाएको छ ।  

कम्पनीको कमजोर अवस्थाका लागि कम्पनीका सीइओ एनी वोज्किकीलाई जिम्मेवार ठहराइएको छ । कम्पनीमा उनको करिब ४९।७५ प्रतिशत सेयर स्वामित्व रहेको र हरेक निर्णय आफ्नै मनमानी रुपमा गर्दै आएको आरोप लगाइएको छ । पटक–पटक सञ्चालक समितिका सदस्यहरुले उनको विरोध गरेपनि उनको अटेरिपटका कारण आज उनी कम्पनीमा एक्लै भएका छन् ।