मंगलवार, श्रावण २०,२०८२ 07:12:57
  • मंगलवार, श्रावण २०,२०८२ 07:12:57
Global IME Bank Limited

होटल भादगाउँ एण्ड रिसोर्टले १५ लाख कित्ता आईपीओ ल्याउने, पाँचतारेमा स्तरोन्नति हुने योजना

Hyundai Nepal
होटल भादगाउँ एण्ड रिसोर्टले १५ लाख कित्ता आईपीओ ल्याउने, पाँचतारेमा स्तरोन्नति हुने योजना
Shivam Cement

काठमाण्डौ । भक्तपुरमा रहेको होटल भादगाउँ एण्ड रिसोर्टले आफ्नो व्यवसाय विस्तार गर्न सर्वसाधारणमा आईपीओ ल्याउने तयारी गरेको छ । कम्पनीले रु. १०० अंकित दरका १५ लाख कित्ता आईपीओ जारी गरी जम्मा १५ करोड रुपैयाँ जुटाउने तयारी गरेको हो ।  

जसबाट होटलको सुविधा पाँचतारे स्तरमा स्तरोन्नति गर्ने, पूर्वाधार विकास गर्ने योजना कम्पनीको छ । सेयर निष्काशन प्रक्रिया अघि बढाउन मुक्तिनाथ क्यापिटल लिमिटेडलाई बिक्री प्रबन्धकको रुपमा नियुक्त गरिएको छ ।  

Shivam Cement
Muktinath Bikas Bank Limited

यसै सन्दर्भमा,आयोजित एक औपचारिक कार्यक्रममा होटल भादगाउँ एण्ड रिसोर्टको तर्फबाट प्रबन्ध निर्देशक निहाल राज भण्डारी र मुक्तिनाथ क्यापिटलका तर्फबाट प्रमुख कार्यकारी अधिकृत कबिन्द्र ध्वज जोशीले सम्झौतापत्रमा हस्ताक्षर गरेका छन् ।

भक्तपुरमा अवस्थित एक सांस्कृतिक धरोहरबाट प्रेरित आतिथ्य सेवामा आधारित नेवारी वास्तुकला र सांस्कृतिक वातावरणको वास्तविक झल्को दिने यो होटल सन् २०२१ मा स्थापित भई स्थानीय आतिथ्य सेवाको उत्कृष्ट प्रतीक बनेको छ ।  

यस होटलले हाल ४० वटा सुविधा सम्पन्न कोठाबाट आफ्नो व्यवसाय गर्दै आईरहेको र सेयर निष्काशन पश्चात् आफ्नो व्यवसाय विस्तार गर्नका लागि १०० वटा सुविधा सम्पन्न कोठा, स्पा, फिटनेस सेन्टर, भूमिगतपार्किङ्ग स्थल, बाह्य बगैँचा, उच्चस्तरीय सेमिनार, कन्फरेन्स तथा डेस्टिनेशन वेडिङ्ग जस्ता अन्य सम्बन्धित सुविधाहरु निर्माण गर्ने प्रबन्ध निर्देशकले जानकारी दिए । उक्त सेवाहरु थप गरे लगतैै  स्थानीय स्तरमा रोजगारी सिर्जना र भक्तपुरको पर्यटन प्रवर्धनमा थप योगदान पुग्ने अपेक्षा गरिएको छ ।  

होटलले प्रविधिमा आधारित सेवा व्यवस्थापन प्रणाली, हरित पर्यटनको अवधारणा तथा दीगो विकास लक्ष्यहरुप्रति प्रतिबद्ध रहँदै व्यवसाय विस्तारमा अग्रसर रहने स्पष्ट रणनीति अघि सारेको छ ।

Nepal Investment Mega Bank Limited
Shikhar Insurance
Bizshala

हाम्रो बारेमा

Bizshala.com, operated by SOS Media Pvt. Ltd., stands as Nepal's premier financial news portal. With a keen focus on the economy, capital markets, real estate, banking and financial institutions, merchant banking, investment tools, insurance, tourism, the automotive industry, and beyond, it delivers fresh, in-depth, and investigative reporting. Since its inception, Bizshala has rapidly emerged as the nation's leading economic news platform, driven by a team of seasoned and accomplished financial journalists. Committed to delivering investigative, accurate, and innovative content, Bizshala approaches every story through a distinct economic lens, catering to the interests and curiosities of its readers.