एयर इन्डियाका पाइलटको अवकाश उमेर ७ वर्षले बढाइयो, अब कति वर्षसम्म पाउछन् विमान उडाउन ?

काठमाण्डौ । टाटा समूहको हिस्सा बनेको भारतीय वायुसेवा कम्पनी एयर इन्डियाले आफ्ना पाइलटहरूको अवकाश उमेर बढाएको छ । अब पाइलटले ५८ वर्षको सट्टा ६५ वर्षमा अवकाश पाउनेछन् । बाँकी कर्मचारीको अवकाश उमेर ५८ बाट ६० वर्ष पुर्याइएको छ ।

एयर इन्डियामा करिब २४ हजार कर्मचारी छन्। जसमा ३ हजार ६ सय पाइलट र ९ हजार ५ सय क्याबिन क्रू सदस्य छन् । तर, पाइलटको जस्तै क्याबिन चालक दलका सदस्यको अवकाश उमेर पनि ६५ वर्ष पुर्‍याएको छ ।

भारतीय उड्डयन नियामक(डीजीसीए) को नियम अनुसार, कमर्शियल पाइलटहरूले ६५ वर्षको उमेरसम्म विमान उडाउन सक्छन्।