(1).gif)
(2).gif)
(1).gif)
.png)
काठमाण्डौ । अघिल्लो दिन ५३ अंकले बढेको बजार बिहिबार ३८ अंकले घटेर बन्द भयो । आज बजार घट्दा कारोबार भने बढेको छ । यद्यपी पछिल्लो २ दिनको बजारमा भने २० दिनको औषत कारोबार बराबर भोल्युम आएको छ ।
अघिल्लो दिनको कारोबार टिक्न नसक्नुमा विभिन्न जानकारहरुका विभिन्न तर्क रहँदै आएका छन् । केहीले आउँदै गरेको चाडपर्वको प्रभाव बजारमा परेको बताएका छन् । केहीले भने बजारमा अल्पकालिन कारोबारी हाबी हुँदा बजार घटेको तर्क गरेका छन् ।
पछिल्लो पटक ब्रोकरहरुले भने बजारमा नयाँ लगानीकर्ता र नयाँ पैसा आउन नसक्नु नै बजार खस्नुको प्रमुख कारण रहेको बताएका छन् । केही ब्रोकरहरुले अहिले सेयर बजारमा ९५ प्रतिशत लगानीकर्ताहरुले उधारो सेयर कारोबार गरेको बताएका छन् । तीन हजारको विन्दुमा फसेका कारण बजार बढेको मौका पारेर साँवा मात्रै लिएर भएपनि केही लगानीकर्ता बजारबाट निस्केको ब्रोकर बताउँछन् ।
.gif)
.gif)
सेयर कर्जा लिएर चल्ने लगानीकर्ताहरुले तत्काल अहिले नै बजार माथि जाने सम्भावना नदेखेपछि सेयर कर्जा फुकुवा गरेर सेयर बेचेका कारण पनि आज बजार घटेको अर्काथरी ब्रोकर बताउँछन् ।
प्राविधिक रुपमा कस्तो ?
आजको बजारलाई क्याण्डल स्टिकबा नियाल्दा भने वियरिस प्रकृतिको क्याण्डल बनेको छ । आजको क्याण्डलाई अघिल्लो दिनको क्याण्डलसँग दाँजेर नियाल्दा ‘डार्क क्लाउड कभर प्याटर्न’ बनेको देखिन्छ ।
प्राइस एक्सन मार्फत आजको बजारलाई नियाल्दा भने लगातार खसेको बजारले एउटा हायर हाई बनाएको छ । जसले आज हायर लो बनाउँदै गरेको देखिन्छ । यस हिसाबले यदि बजार आगामी कारोबारमा २७६० विन्दुभन्दा माथि सम्हालिन्छ भने बजारको माथिको यात्रा जिवितै रहन सक्छ ।
नोटः सेयर बजारमा लगानी जोखिमपूर्ण हुन्छ । यो विश्लेषण कारोबारका लागि सिफारिस भने होइन ।
.png)
(1).png)
(237).jpg)
