भारतलाई रुसबाट तेल खरिद गर्न अमेरिकाले दियो स्वीकृती

काठमाण्डौ । अमेरिकी ट्रेजरी डिपार्टमेन्टलेले रूसी तेलमा जारी प्रतिबन्धलाई अस्थायी रूपले सुचारु गरेर भारतलाई समुद्रमा अहिले अड्केर रहेको रूसी क्रूड तेल ३० दिनसम्म खरिद गर्न अनुमति दिएको घोषणा गरेको छ। यस निर्णयले विश्वव्यापी ऊर्जा आपूर्ति संकटलाई केही लचिलो बनाउन मद्दत पुग्ने अपेक्षा गरिएको छ।

अमेरिकी ट्रेजरी सचिव स्कट बेसेन्टले यस ३०–दिने छूटलाई अत्यन्तै छोटो अवधिको उपाय भएको र यसले रूसी सरकारलाई पर्याप्त आर्थिक लाभ नदिने स्पष्ट पारेका छन् । उनले यस निर्णयले पहिले नै समुद्रमा लोड भएर अड्किएका तेल ढुवानीहरूलाई मात्रै अनुमति दिने बताए।

बेसेन्टले यो कदम वैश्विक ऊर्जा बजारमा तेलको आपूर्ति निरन्तरता कायम राख्नका लागि आवश्यक रहेको बताउँदै, इरानले वैश्विक ऊर्जा मार्गलाई कब्जामा लिन खोजेको दबाबलाई कम गर्ने उद्देश्यले लिइएको समेत बताए ।