अभाव चर्किएपछि ग्यास अबदेखि आधा सिलिन्डर मात्रै बिक्री गरिने

काठमाण्डौ । सरकारले खाना पकाउने ग्यास अबदेखि आधा सिलिन्डर मात्रै बिक्री गरिने तयारी गरेको छ । खाडी मुलुकको तनावले आयात प्रभावित बन्न थालेपछि नेपाल आयल निगमले आधा सिलिन्डर मात्रै भर्न पाउने निर्णय गरेको हो ।  

बजारमा कृत्रिम अभाव देखिन थालेपछि निगमको बिहिबार सञ्चालक समितिको बैठकले पूरै सिलिन्डर ग्यास वितरण गर्न नसकिने र अबदेखि आधा मात्रै वितरण गर्न सकिने निर्णय गरेको हो । 

आयल निगमले इण्डियन आयल निगम (आइओसी)सँग खरिद गरेर नेपालमा ग्यास बिक्री वितरण गर्दै आइरहेको छ । निगमका अनुसार भारतमा समेत ग्यासको अभाव चर्किन थालेपछि आइओसीले मागबमोजिमको ग्यास दिन छाडेको छ ।  

दैनिक १२० बुलेट ग्यास चाहिने अवस्थामा दैनिक ८० बुलेटमात्रै नेपाललाई वितरण गर्न थालेको निगमले जनाएको छ ।