पूर्व गृहमन्त्री रमेश लेखक पक्राउ

काठमाण्डौ । जेनजी आन्दोलन दबाउने समयको सरकारका गृहमन्त्री रमेश लेखक पक्राउ परेका छन् ।  

प्रहरी टोलीले भर्खरै लेखकलाई भक्तपुरको कटुञ्जेस्थित निवासबाट पक्राउ परेको हो । 

उच्च प्रहरी स्रोतका अनुसार जरुरी पक्राउ पूर्जी दिएर लेखकलाई नियन्त्रणमा लिइएको हो ।  

लेखकलाई नियन्त्रणमा लिनुअघि ठूलो संख्यामा नेपाल र सशस्त्र प्रहरी कटुञ्जेस्थित निवास पुगेका थिए । लेखकको घरलाई घेरा हालेर उनलाई नियन्त्रणमा लिइएको हो । 

जेनजी आन्दोलनमा दमन गरी दर्जनौ निहत्थाको हत्या गरेको आरोपमा उच्चस्तरीय न्यायिक छानबिन आयोगले लेखकलाई समेत प्रमुख दोषी देखाएको छ ।  

लेखकलगत्तै तत्कालीन प्रधानमन्त्री तथा एमाले अध्यक्ष केपी शर्मा ओलीलाई पनि प्रहरीले पक्राउ गर्दैछ । ओलीको गुण्डुस्थित निवासमा ठूलो संख्यामा प्रहरी परिचालन गरिएको छ । त्यहाँ पनि प्रहरी टोली जरुरी पक्राउ पूर्जी लिएर पुगिसकेको छ ।