बजारमा गिरावटका साथ साताको अन्त्य, कारोबार समेत घट्यो

Capital Market
बिहीबार, माघ १८,२०८० 15:29:50

काठमाण्डौ । साताको अन्तिम कारोबार दिन आज नेपाल स्टक एक्सचेञ्ज(नेप्से )परिसूचक मा दोहोरो अंकको गिरावट आएको छ । अघिल्लो दिनको गिरावटलाई निरन्तरता दिदै आज नेप्से परिसूचक ३०.९२ अंक अर्थात १.४७ प्रतिशतले घट्दै २ हजार ६७.०१७ बिन्दुमा सीमित भएको छ ।

यो दिन बलिया र राम्रा कम्पनीको मापक सेन्सेटिभ इन्डेक्स पनि १.३० प्रतिशतले घटेर ३७३.६८ विन्दुमा पुगेको झरेको छ । यो दिन नेप्सेमा सूचीकृत मध्ये ३०९ कम्पनीका १ करोड १५ लाख १४ हजार ५७१ कित्ता सेयर ४ अर्ब १८ करोड ६ लाख रुपैयाँभन्दा बढीको कारोबार भएको छ ।

आजको बजार घट्नुको कारणबारे नेपाल सेयरधनी संघका उपाध्यक्ष कमलराज अधिकारी भन्छन्‘ हिजो र आज बजार घट्नुमा ब्रोकरहरुले कोल्याट्रलको लिमिट घटाउनु नै मुख्य कारण हो । ’

अधिकारीले ब्रोकरहरु नै बजार घटाउन लागिपरेको आरोप लगाए । मौद्रिक नीतिको अर्धवार्षिक समीक्षा सकारात्मक नै आउने अधिकारी अपेक्षा गरे । ‘राष्ट्र बैंकले बजारबाट पैसा तानेको तान्यै छ । यसको अर्थ बजारमा तरलता प्रयाप्त छ भन्ने बुझिन्छ । त्यसकारण बजार घट्नुपर्ने विशेष कारण छैन ।’उनले भने ।

अर्का बजार जानकार उपेन्द्र पाठक भन्छन्‘ लगानीकर्तामा आत्मविश्वासको कमीले बजार घटेको हो । लगानीकर्ताले सेयर बजारमा लगानी गर्न कर्जा पास गरेर बसेका छन् । तर बजार २२ सय नकटेसम्म नयाँ पैसा बजारमा आउने देखिदैन । ’

पाठकका अनुसार केहि व्यक्तिहरुले बजारको विषयमा सामाजिक सञ्जालमा नकारात्मक टिप्पणी गर्दा बजारमा गिरावट आएको हो ।

यो दिन नेप्सेमा सूचीकृत १३ वटा समूहमध्ये वित्त उपसूचकमा मात्रै वृद्धि देखिएको छ । आज वित्त उपसूचक ०.२१ प्रतिशतले बढेको छ ।

यो दिन हाईड्रो उपसूचकमा सबैभन्दा धेरै गिरावट आएको छ । आज यो उपसूचक २.३५ प्रतिशतले ओरालो लागेको छ ।

त्यसैगरी,बैंकिङ उपसूचक १.२२,विकास बैंक १.३०,होटल ०.७७,लगानी १.२९,जीवन बीमा १.२७,उत्पादन तथा प्रशोधन १.३३,लघुवित्त १.४७,म्युचुअल फण्ड ०.२६,निर्जीवन बीमा १.१५ र अन्य उपसूचक २ प्रतिशतले घटेको छ ।

धेरै कारोबार गर्ने कम्पनीहरु

आज कारोबार भएका कम्पनीहरुमध्ये हिमायलन रि को सबैभन्दा धेरै कारोबार भएको छ । आज यो कम्पनीको ५४ करोड बढीको सेयर कारोबार भएको छ ।

त्यस्तै ङादी पावरको १४ करोड ९१ लाख,नेपाल पुनर्बीमा कम्पनीको १४ करोड ४४ लाख,एनआरएनको ८ करोड ६० लाख र अरुण काबेलीको ८ करोड ३३ लाख रुपैयाँ बढीको कारोबार भएको छ ।

धरै कमाउने र गुमाउने कम्पनीहरु

आज कुनै पनि कम्पनीको सेयरमुल्यमा सकारात्मक सक्रिट लागेको छेन । यो दिन समाज लघुवित्तको सेयरमूल्य सर्वाधिक बढेको छ । यो कम्पनीको सेयरमूल्य ६.१० प्रतिशतले बढेको छ । रावा खोला हाइड्रोको सेयरमूल्य ३.८३ बढेको आज डोल्टी पावरको सेयरमूल्य २.९६ प्रतिशतले वृद्धि भएको छ ।

हाइड्रो कम्पनीहरुको सेयरमूल्यमा पहिरो गएको आज सामलिङ पावरको सेयरमूल्यमा सर्वाधिक गिरावट अर्थात ९.४२ प्रतिशतको आएको छ ।

त्यसैगरी आज मिडसोलु हाइड्रोको सेयरमूल्य ६.८८ प्रतिशत,मोलुङ हाईड्रोको सेयरमूल्य ६.४७ र थ्रिस्टार हाइड्रोको सेयरमूल्य ६.१४ प्रतिशतले घटेको छ ।