सेयर कारोबारमा लाग्ने पूँजीगत लाभकर एकैपटक बढाइयो !

काठमाण्डौ । सरकारले सेयर बजारमा हुने कारोबारबाट लिने पूँजीगत लाभकरमा एकैपटक निकै ठूलो वृद्धि गरेको छ ।  

बजेटपछि सार्वजनिक गरिएको आर्थिक विधेयकमा उल्लेख भएअनुसार छोटो र लामो अवधिका लागि यसअघि लाग्दै आएको पूँजीगत लाभकरमा एकैपटक निकै ठूलो प्रतिशतले वृद्धि गरिएको हो । 

अर्थमन्त्री डा. स्वर्णिम वाग्लेले पूँजीगत लाभकरलाई नै सेयर कारोबारमा लाग्ने अन्तिम कर घोषणा गरेर उत्साहित बनाएका सेयर लगानीकर्ता आर्थिक विधेयकमा लाभकर साबिकको तुलनामा उच्च प्रतिशतको दरले बढ्दा तनावमा पुगेका छन् । 

साबिकमा सेयर किनेर ३६५ दिनभित्र कारोबार गर्नेले ७.५ प्रतिशत लाभकर तिर्नुपथ्र्यो । अब यसलाई बढाएर १० प्रतिशत पुर्याइएको छ ।  

यस्तै, कसैले सेयर किनेर एकवर्षभन्दा बढी समय राखेमा त्यस्तो कारोबारबाट प्राप्त हुने नाफाबाट लाभकर ५ प्रतिशत तिर्ने व्यवस्था रहेकोमा त्यसलाई बढाएर ७.५ प्रतिशत पुर्याइएको छ ।