कर्पोरेट ग्राहकका लागि नेपाल टेलिकमले ल्यायो मल्टीपल टीभी जडान गर्ने व्यवस्था

काठमाण्डौ । नेपाल टेलिकमले कर्पोरेट ग्राहकहरुको मागलाई ध्यानमा राखी मल्टीपल टीभी जडान गर्ने व्यवस्था गरेको छ।

यस अन्तर्गत ४ वटा वा सो भन्दा बढी टीभी जडान गर्ने कर्पोरेट ग्राहकहरुले सहुलियत दरमा बेसिक तथा प्रिमियम प्याकेजहरु खरिद गर्न सक्नेछन् ।

४ देखि १० वटा टीभी जडान गर्ने ग्राहकहरुले प्रति सेट टप बक्स रु. २ हजार ९ सय ३८ रुपैयाँमा १ वर्ष वारेन्टी सहितखरिद गर्न सक्नेछन् भने ११ वटा भन्दा बढी टीभी जडान गर्ने ग्राहकहरुले प्रति सेट टप बक्स रु। २ हजार ८२५ रुपैयाँमा १ वर्ष वारेन्टी सहित खरिद गर्न सक्नेछन्।