(1).gif)
(2).gif)
(1).gif)
.png)
काठमाण्डौ । नेपाल इन्फ्रास्ट्रक्चर बैंक (निफ्रा)ले गत आर्थिक वर्षको चौथो त्रैमाससम्ममा १ अर्ब १४ करोड रुपैयाँबराबरको खुद नाफा आर्जन गरेको छ । यो रकम कम्पनीले अघिल्लो आवमा आर्जन गरेको तुलनामा १३.८५ प्रतिशतले कम हो ।
अघिल्लो आवको चौथो त्रैमाससम्म कम्पनीले १ अर्ब ३२ करोड रुपैयाँबराबरको खुद नाफा कमाएको थियो ।
.gif)
कम्पनीको खुद ब्याज आम्दानी पनि २५.५१ प्रतिशतले घटेर १ अर्ब ८९ करोड रुपैयाँमा सीमित बनेको छ । अघिल्लो आवमा भने कम्पनीले २ अर्ब ५५ करोड रुपैयाँबराबरको खुद ब्याज आम्दानी गरेको थियो । कम्पनीको खुद शुल्क तथा कमिशन आम्दानी भने बढेको छ । अघिल्लो आवमा १ करोड १७ लाख रहेको खुद शुल्क तथा कमिशन आम्दानी बढेर २ करोड १० लाख पुगेको छ ।
कम्पनीले समीक्षा अवधिसम्ममा १ अर्ब ६४ करोड रुपैयाँ सञ्चालन मुनाफा आर्जन गरेको छ। यस्तै कम्पनीको खुद सञ्चालन आम्दानी १ अर्ब ९६ करोड रुपैयाँ रहेको छ ।
कम्पनीको निक्षेप संकलन ८२ करोड ९८ लाख रुपैयाँबाट बढेर ७ अर्ब ६८ करोड रुपैयाँ पुगेको छ । यस्तै कर्जा प्रवाह पनि २० अर्ब ८६ करोडबाट बढेर २४ अर्ब ८० करोड रुपैयाँ पुगेको छ । कम्पनीको रिजर्भ कोषमा ४ अर्ब ७ करोड रुपैयाँको सञ्चित छ ।
समीक्षा अवधिसम्म कम्पनीको प्रतिसेयर आम्दानी(ईपीएस)५.३० रुपैयाँ, प्रतिसेयर कुल सम्पत्तिको मूल्य १६१.२८ रुपैयाँ, प्रतिसेयर नेटवर्थ ११८.८८ रुपैयाँ, मूल्य आम्दानी अनुपात ५९.९६ गुणा,तरलता अनुपात १४६.९२ प्रतिशत र इक्युटिमा प्रतिफल ४.४९ प्रतिशत कायम भएको छ ।
.png)
(212).jpg)
.jpg)
