रविले गरे एकाबिहानै मतदान

काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेले प्रतिनिधिसभा मध्यावधि निर्वाचनअन्तर्गत आज काठमाडौँ–३ स्थित उपत्यका खानेपानी लिमिटेडको महाँकालचौर मतदान केन्द्रबाट मतदान गरेका छन्।

चितवन क्षेत्रबाट प्रतिनिधिसभा सदस्यका उम्मेदवार रहेका लामिछानेले आफ्नो स्थायी मतदाता नामावली रहेको स्थान काठमाडौँ भएकाले त्यहीँबाट मतदान गरेका हुन्।

मतदानपछि उनले लोकतान्त्रिक प्रक्रियामा सबै नागरिकले उत्साहपूर्वक सहभागी हुनुपर्ने उल्लेख गर्दै मताधिकार प्रयोग गर्न मतदातालाई आग्रह गरेका छन्।

यस निर्वाचनमा लामिछाने चितवनबाट चुनावी मैदानमा छन् र उनको प्रतिस्पर्धालाई विशेष चासोका साथ हेरिएको छ। देशभर आज बिहान ७ बजेदेखि सुरु भएको मतदान बेलुका ५ बजेसम्म जारी रहनेछ।