रास्वपाले बोलायो केन्द्रीय समिति बैठक

काठमाण्डौ । राष्ट्रिय स्वतन्त्र पार्टी (रास्वपा) ले केन्द्रीय समिति बैठक सोमबार बस्ने भएको जनाएको छ। पार्टीका सभापति रवि लामिछानेले दिउँसो ३ बजे वनस्थलीस्थित केन्द्रीय कार्यालयमा बैठक आह्वान गरेका हुन्।  

रास्वपाले केन्द्रीय समिति सदस्यहरूलाई बैठकमा अनिवार्य रूपमा उपस्थित हुन आग्रह गरेको छ। यसअघि आज साढे ३ बजे सचिवालय बैठक पनि केन्द्रीय कार्यालयमै बस्ने कार्यक्रम तय गरिएको छ।

बैठकमा पार्टीको सांगठनिक सुदृढीकरण, विस्तार तथा आगामी महाधिवेशनको तयारीका विषयमा केन्द्रित हुँदै ६ वटा प्रमुख कार्यसूचीमाथि छलफल हुने जनाइएको छ।