(1).gif)
(2).gif)
.png)
काठमाण्डौ । पाकिस्तानसँग सम्बन्धित “अपरेसन सिन्दूर” का क्रममा भारतका राफेल लडाकु विमान खसालिएको भन्ने दाबी गलत साबित भएको चर्चा भारतमा तीव्र बनेको छ।
भारतीय वायुसेनाको एउटा आधिकारिक दस्तावेज सार्वजनिक भएपछि उक्त दाबीमाथि प्रश्न उठेको बताइन्छ।
(2).gif)
.gif)
(1).gif)
उक्त विषयलाई लिएर भारतको सत्तारूढ भारतीय जनता पार्टी (भाजपा) ले लोकसभामा विपक्षी नेता राहुल गान्धीमाथि कडा टिप्पणी गरेको छ।
भाजपा प्रवक्ता प्रदीप भण्डारीले राहुल गान्धीले पाकिस्तानको कथनलाई अघि बढाएको आरोप लगाउँदै सार्वजनिक रूपमा माफी माग्नुपर्ने माग गरेका छन्।
भण्डारीका अनुसार, अपरेसन सिन्दूरका बेला राफेल विमानबारे प्रश्न उठाइएको र भारतीय वायुसेनाको क्षमतामाथि शंका व्यक्त गरिएको थियो।
उनले कांग्रेस नेता अजय रायले राफेललाई लिएर व्यङ्ग्य गरेको समेत उल्लेख गर्दै विपक्षीले राष्ट्रिय सुरक्षासम्बन्धी विषयलाई हल्का रूपमा लिएको आरोप लगाए।
उनले भारतीय वायुसेनाको मर्मतसम्बन्धी कागजात (मेंटेनन्स अर्डर) उद्धृत गर्दै अपरेसनका क्रममा भारतको कुनै पनि राफेल विमान नष्ट नभएको दाबी गरे।
साथै, जानाजानी पाकिस्तानको कथनलाई समर्थन गरिएको भन्दै प्रश्न उठाए।
भाजपाले राहुल गान्धीमाथि यसअघि पनि यस्तै आरोप लगाउँदै आएको उल्लेख गर्दै २६र११ मुम्बई हमलापछि भारतको सैन्य प्रतिक्रिया रोकिएको विषयदेखि लिएर चीनसँगको सीमा विवादमा पनि गलत टिप्पणी गरिएको दाबी गरेको छ।
.gif)
(1).gif)
राहुल गान्धीले भने विदेशमन्त्री एस. जयशंकरको अभिव्यक्तिलाई आधार बनाएर अपरेसन सिन्दूरका क्रममा भारतीय वायुसेनाले कति राफेल गुमायो भन्ने प्रश्न उठाएका थिए।
उनले सरकारमाथि तथ्य लुकाएको आरोपसमेत लगाएका थिए।
यसबीच भारतीय वायुसेनाको सार्वजनिक भनिएको दस्तावेजमा ३६ वटा राफेल विमान सञ्चालनमा रहेको र तिनको नियमित मर्मत तथा सञ्चालनका लागि ठेक्का प्रक्रिया अघि बढाइएको उल्लेख छ।
दस्तावेजमा सबै ३६ विमानको उडान घण्टा गणना गरिएको विषयलाई पनि समेटिएको बताइन्छ।
रक्षा क्षेत्रका विश्लेषकहरूको भनाइ अनुसार, यदि कुनै राफेल विमान क्षतिग्रस्त भएको वा बेडाबाट हटेको भए, मर्मत तथा सञ्चालन योजना र उडान घण्टाको विवरणमा परिवर्तन देखिनुपर्ने थियो।
यस घटनापछि भारतमा राफेल विमानको क्षति सम्बन्धी दाबी, राजनीतिक आरोप–प्रत्यारोप र सुरक्षा विषयमा बहस पुनः चर्किएको छ।
.png)
.jpg)
