.gif)
(1).gif)
.jpg)
_(1).gif)
.png)
काठमाण्डौ । के तपाईको मनमा विश्वको सबैभन्दा धेरै सेयरमूल्य भएका कम्पनी को होलान भनेर प्रश्न उब्जने गर्छ ? के सर्वाधिक सेयरमूल्य भएका कम्पनी एप्पल वा माइक्रोसफ्ट होलान ? होइन, यी कम्पनीहरु पक्कै पनि बजार पूँजीकरणका आधारमा विश्वका सर्वाधिक ठूला कम्पनी हुन् तर सर्वाधिक सेयरमूल्य भएका कम्पनी भने होइनन् ।
विश्व बजारमा यस्ता कम्पनीहरु छन्, जसको सेयरमूल्य आम मानिसले कल्पना समेत गर्न सक्दैन । यी कम्पनीहरुको सेयरमूल्य आम मानिसको पहँचबाट निकै टाढा जस्ता देखिन्छन् ।
सर्वाधिक सेयरमूल्य भएको कम्पनी भन्नाले के बुझ्ने ?
विश्वकै महङ्गो सेयरमूल्यको बारेमा थाहा पाउनु अघि सर्वाधिक सेयरमूल्य भएको कम्पनी भन्नाले के बुझिन्छ भन्ने थाहा पाउन आवश्यक छ ।
महङ्गो स्टकहरुलाई ती स्टकहरुको रुपमा उल्लेख गर्न सकिन्छ, जसको मूल्य तीव्र रुपमा उच्च छ वा जसको मूल्य आधारभूत आधारहरुको तुलनामा महङ्गो छ । सबैभन्दा महङ्गो स्टकको अर्थ संसारको सबैभन्दा राम्रो स्टक वा सबैभन्दा राम्रो व्यापार गर्ने कम्पनी भन्ने हुदैन । यो त बजारको वर्तमान बजार मूल्य हो, जसलाई अन्य विविध कारक तत्वहरुले महङ्गो बनाउने गर्छ ।
बजार अस्थिर हुँदा वा मूल्य परिवर्तन हुँदा सबैभन्दा महङ्गो सेयरहरु पनि परिवर्तन हुन्छन् ।
यी हुन् विश्वका सर्वाधिक सेयरमूल्य भएका कम्पनी ?
वर्कशायर हाथवे इंक
विश्वको सबैभन्दा महङ्गो सेयर मूल्य भएको कम्पनी वर्कशायर हाथवे हो । चर्चित अमेरिकी सेयर कारोबारी बारेन बफेटको यो कम्पनीको सेयरमूल्य प्रतिकित्ता ६ लाख ७२ हजार ९४० डलर रहेको छ । यो कम्पनीको बजार पूँजीकरण ९६०.२९ अर्ब डलर रहेको छ । यस्तै कम्पनीको पीई रेसियो १४.२७ गुणा रहेको छ । कम्पनीको प्रतिसेयर आम्दानी २१ हजार १२५ डलर रहेको छ । जुन महिनासम्म कम्पनीले ३०.३५ अर्ब डलरबराबरको खुद आम्दानी गरेको छ ।
एनभीआर इंक
विश्वको सबैभन्दा महङ्गो स्टक भएको दोस्रो कम्पनी एनभीआर इंक हो । यो कम्पनी अमेरिकामा आधारित घर निर्माण तथा निर्माण आपूर्ति कम्पनी हो । यो कम्पनीको वर्तमान सेयरमूल्य प्रतिकित्ता ८ हजार ८५४ डलर रहेको छ । २७.२५ अर्ब डलर बजार पूँजीकरण भएको कम्पनीको पीई रेसियो १८.३० कायम छ ।
अटोजोन
अटोजोनको सेयरमूल्य विश्वको तेस्रो महङ्गोमा पर्छ । यो कम्पनीको सेयरमूल्य प्रतिकित्ता ३ हजार १७२ डलर रहेको छ । कम्पनीको बजार पूँजीकरण ५४.१९ अर्ब डलर रहेको छ । गत वर्ष यो कम्पनीको सेयरमूल्य ३३.०९ प्रतिशतले बढेको थियो । यो कम्पनी अमेरिकाको टेनेसीमा आधारित कम्पनी हो । जसले अमेरिका,ब्राजिल र मेक्सिको लगायतका देशमा विभिन्न अटो सामाग्रीहरु आपूर्ति गर्ने गर्छ ।
सीबोर्ड कर्पोरेशन
खाद्य र सूर्तिजन्य व्यवसाय गर्ने सीबोर्ड कर्पोरेशनको सेयरमूल्य पनि उच्च छ । यो कम्पनीले विभिन्न ६ वटा व्यवसाय गर्दै आईरहेको छ । हाल यो कम्पनीको सेयरमूल्य प्रतिकित्ता ३ हजार ९४ डलर रहेको छ । कम्पनीको बजार पूँजीकरण ३ अर्ब डलरबराबर छ ।
स्कटलाई के ले महङ्गो बनाउँछ ?
सेयरको मूल्य महङ्गो हुनु पछाडि विविध कारणहरु हुन्छन् । कम्पनीहरुले नाफालाई पुनःलगानी गर्न सक्छन् । जसका कारण कम्पनीको नाफा बढ्न गई सेयरमूल्य पनि बढ्ने गर्छ । यसको उदाहरणका लागि वर्कशायर हाथवेलाई लिन सकिन्छ । यो कम्पनीले अहिलेसम्म आफ्ना लगानीकर्तालाई प्रतिफल बाँडेको छैन ।
यस्तै कम्पनीको बलियो आधारभूत पक्षले समेत सेयरमूल्य महङ्गो हुनमा भूमिका खेल्न सक्छ । वृद्धिको सम्भावनासँगै लगानीकर्ताको मागले पनि सेयरको मूल्यलाई प्रभाव पार्ने गर्छ । जसका कारण कम्पनीको सेयरमूल्य उकालो लाग्ने गर्छ । त्यसैले माग र आपूर्ति पनि सेयरमूल्यलाई प्रभाव पार्ने तत्व हुन् ।
.gif)
.png)
.jpeg)
(159).jpg)
.png)
.jpg)
.gif)
.gif)
