(1).gif)
(2).gif)
.png)
काठमाण्डौ । साहस उर्जा जलविद्युत कम्पनी नेपाल स्टक एक्सचेञ्ज(नेप्से)मा सूचीकृत ९२ वटा जलविद्युत कम्पनी मध्ये एक हो । यो कम्पनीको स्थापना जलविद्युत क्षेत्रका उद्यमशिल व्यक्तिहरुद्वारा विसं २०७१ मा स्थापना भएको हो ।
कम्पनीले नेपालको उच्च स्थानमा रन अफ् द रिभर प्रोजेक्टमा आधारित रहेको छ । कम्पनीले सोलुखोलामा ८६ मेगावटको जलविद्युत उत्पादन गरिरहेको छ ।
आधारभूत पक्षः
गत आथिैक बर्षको चौंथो त्रैमासिक प्रतिवेदन अनुसार कम्पनीको चूक्तापूँजी ३ अर्ब ७८ करोड रुपैंया रहेको छ । कम्पनीको जगेडा कोषमा ३ अर्ब १७ करोड सञ्चित छ ।
यस्तै कम्पनीको कूल पूँजी ६ अर्ब ९५ करोड रुपैंया रहेको छ । कम्पनीको खूद मूनाफा ९० करोड २७ लाख , प्रतिसेयर आम्दानी २३.८८ रुपैंयाँ रहेको छ भने बुक भ्यालु १८३.८५ रुपैंयाँ र रिर्टन अन इक्विटी १२.९९ रुपैंया रहेको छ ।
.gif)
प्राविधिक पक्षः
इलिअट वेभमा विभिन्न डिग्रीहरु हुने गर्छन् । त्यस्ता डिग्रीहरुले सानाठूला गरेर एकदिनदेखि एकसय वर्षसम्मको समय अवधिलाई प्रतिनिधित्व गर्छन् । इलिअट वेभमा मूल्य माथि जान पाँच फरक÷फरक वेभ हुन्छन् भने तल जान ३ वेभ हुन्छन् ।
माथि लाग्ने पाँच वेभमा पनि तीनवटा बढोत्तरीका र २ वटा सुधारका देख्न सकिन्छ । यसमा १, ३, ५ बढोत्तरीको हुन्छ भने २ र ४ मा करेक्सनको हुन्छ । वेभ ५ को करेक्सन वेभ ‘ए’ हो । वेभ ‘ए’, ‘बी’, ‘सी’ले मूल्य तथा सूचक तल जाने संकेत दिन्छ ।
यस हिसाबले यो कम्पनीको सेयर भ्यालु हाल चौंथो वेभमा करेक्सन चल्दै गरेको देखिन्छ । अब पाँचो वेभमा कम्पनीको सेयर भ्यालुमा बढोत्तरीका साथ ७६० रुपैंयाँसम्म पुग्न पनि सक्छ ।
मूभिङ एभरेजको आधारमा
मूभिङ एभरेज भनेको मूभ अंकहरुलाई मूभ गर्दै निकालिने एक औषत रेखा हो । यसमा बजारको उतारचढाव हेर्न यस्ता रेखाहरुको प्रयोग गरिन्छ । यस्ता रेखाहरु ५, २०, ५० र २०० दिने रेखाहरु हुने गर्छन । छोटो समयको उतारचढाव हेर्न छोटो समयमको रेखा हेर्ने गरिन्छ भने लामो समयको उतारचढाव हेर्न समयकै रेखाहरु हर्ने गरिन्छ ।
यस आधारमा यो कम्पनीको सेयर भ्यालु हाल ५० दिने मूभिङ एभरेजको रेखाबाट तल खसेको छ । अर्थात विक्री दबाबमा देखिन्छ ।
बोलिङ्गर ब्याण्ड , म्याक्डी र आरएसआई
बोलिङ्गर ब्याण्डको आधारमा यो कम्पनी हाल तल्लो ब्याण्डमा चलेको देखिन्छ । त्यसै गरि म्याक्डीमा केही समय पहिले वियरिस क्रसओभरमा चलेको यो छ र हिस्टोग्राम भने छोटा छोटा र फिक्का हुँदै गएका छन् । आरएसआई ओभर सोल्ड जोन ३६ को तहमा चलेको छ । यसले कम्पनीको सेयर भ्यालु करिब बटम लाग्दै गरेको मान्न सकिन्छ । यस आधारमा यो कम्पनीको सेयर मूल्यले ६ सय आसपासमा बलियो सपोर्ट लिन सक्ने देखिन्छ ।
पिभट् प्वइन्टः
पिभट विश्लेषणमार्फत सेयर तथा डेरिभेटिभको अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकालिन्छ ।
बढेमा प्रतिरोध
प्रतिरोध ३ –६७८
प्रतिरोध २ – ६६८
प्रतिरोध १– ६५३
पिभट् प्वइन्टः ६४१
घटेमा सपोर्ट
सपोर्ट १– ६२६
सपोर्ट २– ६१५
सपोर्ट ३ –६००
निष्कर्षःजलविद्युत कम्पनीहरु मध्ये यो कम्पनी आधारभूत रुपमा निकै मजबुत रहेको देखिन्छ । कम्पनीको चूक्तापूँजी बराबर नै जगेडा कोष रहेको छ । त्यसैगरि बुक भ्यालु पनि मजबुत नै रहेको छ । कम्पनीको रिर्टन अन इक्विटी करिब १३ प्रतिशत रहेको छ । यस हिसाबले यो कम्पनी आधारभूत रुपमा निकै मजबुत रहेको देखिन्छ ।
प्राविधिक रुपमा यो कम्पनीको सेयर भाउलाई इलिअट वेभ मार्फत नियाल्दा हाल चौंथो वेभको करेक्नस पूरा गर्दै गरेको र पाँचौ वेभको बढोत्तरी बाँकी नै रहेको देखिन्छ ।
नोटः सेयर बजारमा लगानी जोखिमपूर्ण हुन्छ । यो विश्लेषण कारोबारका लागि सिफारिस भने होइन ।
(197).jpg)
.jpg)
(82).jpg)
.jpg)
