६ बीमा कम्पनीको मात्रै सेयरभाउ बढ्यो, सर्वाधिक गुमाउनेमा गार्डियन माइक्रो लाइफ

काठमाण्डौ । साताको चौथो कारोबार दिन सेयरबजारमा दोहोरो अंकको गिरावट आएको छ । नेप्से परिसूचक १३.३५ अंकले घटेर २६३५.९४ विन्दुमा कायम भएको छ । नेप्सेमा सूचीकृत ३२३ कम्पनीको १ करोड ६ लाख ३३ हजार ७१७ कित्ता सेयर किनबेच हुँदा ५ अर्ब १७ करोड रुपैयाँमाथिको सेयर कारोबार भएको छ । 

आज बीमा समूहका दुईवटै उपसूचक घटेका छन् । जीवन बीमा समूह ०.०७ प्रतिशत र निर्जीवन बीमा समूह ०.६० प्रतिशतले घटेको छ । आज ६ बीमा कम्पनीको मात्रै सेयरभाउ बढेको छ । सर्वाधिक कमाउनेमा सिटिजन लाइफ इन्स्योरेन्स रहेको छ । कम्पनीको सेयरभाउ १.२७ प्रतिशतले बढेर ४७९.९० रुपैयाँ पुगेको छ । त्यस्तै, नेपाल लाइफको ०.१० प्रतिशत, नेशनल लाइफको ०.२२ प्रतिशत, सन नेपाल लाइफको ०.८५ प्रतिशत, सानिमा रिलायन्स लाइफको ०.१८ प्रतिशत र एनएलजीको ०.०९ प्रतिशतले बढेको छ । 

आज सर्वाधिक गुमाउने बीमा कम्पनीमा गार्डियन माइक्रो लाइफ इन्स्योरेन्स रहेको छ । कम्पनीको सेयरभाउ १.४४ प्रतिशतले घटेर १७१५ रुपैयाँ कायम भएको छ । 

त्यस्तै, हिमालयन एभरेष्टको ०.२० प्रतिशत, आइजीआई प्रुडेन्सियलको ०.६७ प्रतिशत, नेपाल इन्स्योरेन्सको ०.०६ प्रतिशत, नेपाल माइक्रो इन्स्योरेन्सको १.३६ प्रतिशत, सलिकोको १.३२ प्रतिशत, शिखरको ०.९५ प्रतिशत, आरबीसीएलको १.३७ प्रतिशत, सिद्धार्थ प्रिमियरको ०.२१ प्रतिशत, युनाइटेड अजोडको ०.४४ प्रतिशत, हिमालयन रि को १.३० प्रतिशत र नेपाल रि इन्स्योरेन्सको ०.२४ प्रतिशतले घटेको छ । 

त्यस्तै, क्रेष्ट माइक्रो लाइफको ०.३४ प्रतिशत, आइएमई लाइफको ०.२५ प्रतिशत, एलआइसी नेपालको ०.८९ प्रतिशत, रिलायबल नेपाल लाइफको १.०५ प्रतिशत र सूर्यज्योति लाइफको ०.२२ प्रतिशतले घटेको छ ।