ओलीलाई अस्पताल लगियो

काठमाण्डौ । एमाले अध्यक्ष केपी शर्मा ओलीलाई प्रहरीले स्वास्थ्य परीक्षणका लागि अस्पताल लगेको छ।

शनिबार बिहान भक्तपुरको गुण्डुबाट नियन्त्रणमा लिएका उनलाई प्रारम्भिक रूपमा जिल्ला प्रहरी परिसर काठमाडौं, भद्रकालीमा राखिएको थियो। त्यहाँबाट नियमित स्वास्थ्य जाँचका लागि अस्पताल लगिएको प्रहरीले जनाएको छ।

स्वास्थ्य परीक्षण सम्पन्न भएपछि उनलाई पुनः प्रहरी परिसरमै फर्काइनेछ।

परिसर प्रमुख एसएसपी रमेश थापाका अनुसार आज शनिबार सार्वजनिक बिदा परेकाले अनुसन्धानका थप प्रक्रिया आइतबारदेखि मात्र अघि बढाइनेछ।

जेनजी आन्दोलनसम्बन्धी जाँचबुझ आयोगको सिफारिस कार्यान्वयन गर्ने निर्णयपछि सरकारले शनिबार बिहानै ओलीलाई पक्राउ गरेको हो। उक्त आन्दोलन भदौ २३ र २४ मा भएको बेला उनी प्रधानमन्त्री पदमा रहेका थिए।