.gif)
(1).gif)
(2).gif)
(1)(1).jpg)
.gif)
.png)
काठमाण्डौ । खुद ब्याज आम्दानी घटेतापनि इम्पेयरमेन्ट चार्ज रिभर्सल भएसँगै नेपाल इन्भेष्टमेन्ट मेगा बैंकको नाफामा सुधार आएको छ । बैंकले गत आवको चौथो त्रैमाससम्म ६ अर्ब ७५ करोड रुपैयाँ खुद नाफा आर्जन गरेको छ । यो रकम अघिल्लो आवको सोही अवधिको तुलनामा ६४.४४ प्रतिशतले बढी हो ।
अघिल्लो आवको सोही अवधिसम्म बैंकले ४ अर्ब १० करोड रुपैयाँबराबरको खुद नाफा आर्जन गरेको थियो ।
यो अवधिमा बैंकले १४ अर्ब १२ करोड रुपैयाँबराबरको खुद ब्याज आम्दानी गरेको छ । जुन अघिल्लो आवको सोही अवधिको तुलनामा ६.५४ प्रतिशतले कम हो । बैंकको खुद शुल्क तथा कमीशन आम्दानी १ अर्ब ७७ करोड रुपैयाँबाट बढेर २ अर्ब २० करोड रुपैयाँ पुगेको छ । बैंकको सञ्चालन मुनाफा ५८.६७ प्रतिशतले बढेर १० अर्ब १४ करोड रुपैयाँ पुगेको छ ।
(1).gif)
बैंकको रिटेन्ड अर्निङ ४९ करोड १३ लाख रुपैयाँ रहेको छ । यस्तै बैंकको रिजर्भको आकार ३२ अर्ब ७४ करोड रुपैयाँबराबर रहेको छ ।
बैंकको निक्षेप संकलन १७.०९ प्रतिशतले बढ्दै ४ खर्ब ७२ अर्ब र कर्जा प्रवाह पनि ७.०२ प्रतिशतले बढेर ३ खर्ब २६ अर्ब रुपैयाँ पुगेको छ । अघिल्लो आवको चौथो त्रैमाससम्म ५ अर्ब ६९ करोड रुपैयाँ ऋणात्मक रहेको बैंकको वितरणयोग्य मुनाफा ४९ करोड १३ लाख रुपैयाँले धनात्मक बनेको छ । यस्तै बैंकको लाभांश क्षमता १.४४ प्रतिशत पुगेको छ ।
अघिल्लो आवमा ४.९१ प्रतिशत रहेको खराब कर्जा अनुपात बढेर ५.८५ प्रतिशत कायम भएको छ । बैंकको इम्पेयरमेन्ट चार्ज ५७ करोड ४४ लाख रुपैयाँले रिभर्सल भएको छ ।
समीक्षा अवधिसम्म बैंकको प्रतिसेयर आम्दानी(ईपीएस) १२.०४ रुपैयाँबाट बढेर १९.८० रुपैयाँ पुगेको छ । यस्तै प्रतिसेयर नेटवर्थ १९७ रुपैयाँ, प्रतिसेयर कुल सम्पत्तिको मूल्य १ हजार ६५७ रुपैयाँ र पीई रेसियो ११.६७ गुणा कायम भएको छ ।
(2).gif)
.png)
.gif)
.jpg)
.jpg)
