कालीमाटी बजारमा तरकारी तथा फलफूलको थोक मूल्य सार्वजनिक, गोलभेँडा ६०, आलु ३० देखि ३८ रुपैयाँ प्रतिकिलो

काठमाण्डौ । कालीमाटी फलफूल तथा तरकारी बजार विकास समितिले आजका लागि विभिन्न कृषि उपजहरूको थोक अधिकतम मूल्य निर्धारण गरेको छ।  

दैनिक बजार मूल्य, आपूर्ति अवस्था र मौसमी उत्पादनलाई आधार मानेर समितिले तरकारी, फलफूल, मसला तथा माछामासुको मूल्य सूची सार्वजनिक गरेको हो।

समितिका अनुसार गोलभेँडा ठूलो (नेपाली) प्रतिकिलो ६० रुपैयाँ, सानो लोकल १२ रुपैयाँ र टनेल उत्पादन २२ रुपैयाँ कायम गरिएको छ।  

आलु रातो (लाम्चो, गोलो र मुढे) क्रमशः ३८, ३५ र ३५ रुपैयाँ तथा भारतीय आलु ३० रुपैयाँ तोकिएको छ।  

यस्तै सेतो आलु ३० रुपैयाँ र भारतीय प्याज ४९ रुपैयाँ प्रतिकिलो निर्धारण गरिएको छ।

गाजर १०० रुपैयाँ, लोकल बन्दा ६० रुपैयाँ, काउली १३० रुपैयाँ तथा मूला (रातो ३० रुपैयाँ र सेतो हाइब्रिड २० रुपैयाँ) कायम गरिएको छ।  

भन्टा लाम्चो २० रुपैयाँ र डल्लो ३० रुपैयाँ प्रतिकिलो मूल्य निर्धारण गरिएको छ।

बोडी, सिमी तथा अन्य तरकारीतर्फ बोडी ३० रुपैयाँ, मकै बोडी ५० रुपैयाँ, मटरकोसा २०० रुपैयाँ, घिउ सिमी ६० देखि ९० रुपैयाँ, टाटे सिमी ६० रुपैयाँ, भटमास कोसा १०० रुपैयाँ र तीते करेला ४० रुपैयाँ तोकिएको छ।  

लौका ५० रुपैयाँ, परवर ४० रुपैयाँ, चिचिण्डो ३० रुपैयाँ, घिरौँला ४० रुपैयाँ, झिगुनी ५० रुपैयाँ तथा फर्सी ४० देखि ६० रुपैयाँसम्म कायम गरिएको छ।

पातदार तरकारीमा रायो साग ४० रुपैयाँ, पालुङ्गो ६० रुपैयाँ, चमसुर ६० रुपैयाँ र तोरीको साग ५० रुपैयाँ निर्धारण गरिएको छ।  

च्याउको मूल्यमा भने उल्लेख्य भिन्नता देखिएको छ—कन्य च्याउ २५० रुपैयाँ, डल्ले च्याउ ४५० रुपैयाँ, राजा च्याउ ३०० रुपैयाँ र सिताके च्याउ १,००० रुपैयाँ प्रतिकिलो कायम गरिएको छ।

फलफूलतर्फ स्याउ ३०० रुपैयाँ, केरा २०० देखि २५० रुपैयाँ प्रति दर्जन, अनार ४२० रुपैयाँ, आँप ९० देखि १०० रुपैयाँ, कागती २०० रुपैयाँ र भुइँकटहर प्रतिगोटा २०० रुपैयाँ तोकिएको छ।  

साथै मेवा, लिची, नासपाती र तरबुजालगायतका फलफूलका मूल्य पनि प्रकारअनुसार फरक–फरक निर्धारण गरिएको छ।

मसलाजन्य वस्तुमा अदुवा १४० रुपैयाँ, सुकेको खुर्सानी ५०० रुपैयाँ, हरियो खुर्सानी ३० देखि ४० रुपैयाँ तथा अकबरे खुर्सानी ३०० रुपैयाँ कायम गरिएको छ।  

हरियो लसुन २०० रुपैयाँ, सुकेको लसुन १८० देखि २२० रुपैयाँ र धनियाँ १५० रुपैयाँ प्रतिकिलो तोकिएको छ।

माछातर्फ ताजा माछा ९रहु० ३४० रुपैयाँ, बचुवा ३०० रुपैयाँ र छडी २५० रुपैयाँ प्रतिकिलो निर्धारण गरिएको छ भने सुकेको माछा १,००० रुपैयाँ प्रतिकिलो कायम गरिएको समितिले जनाएको छ।

समितिले बजारको माग–आपूर्ति अवस्था अनुसार मूल्य नियमित समायोजन गर्दै आएको छ।