हकप्रद सेयरबापतको रकम जम्मा गर्न नारायणी डेभलपमेन्ट बैंकको आग्रह

काठमाण्डौ । नारायणी डेभलपमेन्ट बैंक लिमिटेडले हकप्रद सेयरबापतको रकम जम्मा गर्न आग्रह गरेको छ । बैंकले एक सूचना जारी गर्दै आधारभूत सेयरधनीहरुलाई हकप्रद सेयरबापतको रकम जम्मा गर्न आग्रह गरेको हो ।

बैंकको २०७९ असार ८ गते सम्पन्न विशेष साधारण सभाबाट पारित १ः१ अनुपातको हकप्रद सेयर नेपाल धितोपत्र बोर्डबाट गत पुस १९ गते स्वीकृत भएको थियो ।

र सो सम्बन्धमा गत पुस २२ गते आफ्नो हकप्रदबापतको रकम जम्मा गर्न आधारभूत सेयरधनीहरुलाई पत्राचार गरिएकोमा हालसम्म पनि केहि सेयरधनीले हकप्रदबापतको रकम जम्मा नगरेको बैंकले जनाएको छ ।

बैंकले त्यस्ता आधारभूत सेयरधनीहरुलाई फागुन १५ गतेसम्म प्रतिसेयर रु.१०० का दरले लिनुपर्ने हकप्रद सेयरबराबरको रकम जम्मा गर्न आग्रह गर्दै सूचना जारी गरेको छ ।