मुक्तिनाथ विकास बैंकका ग्राहकले जिते बैंककको ‘राउन्ड ट्रिप फ्लाइट टिकट’

काठमाण्डौ । मुक्तिनाथ विकास बैंकका एक भिसा डेबिट कार्डहोल्डर श्रीतिल प्रसाद पौडेलले दुृई जनाको लागि बैंककको राउन्ड ट्रिप फ्लाइट टिकट जितेका छन् । 

यस वर्षको दशैंतिहारको उपलक्ष्यमा नगदरहित कारोबारलाई प्रोत्साहन गर्न अन्तर्राष्ट्रिय भिसा नेटवर्कको सहकार्यमा भिसा कार्डबहाकहरुबीच सञ्चालित विशेष अभियानअन्तर्गत यस बैंकका ग्राहकले भाग्यशाली विजेता भएर उक्त पुरस्कार प्राप्त गरेका हुन् ।  

भिसा र बैंकले यस कार्यक्रमको सफलता र ग्राहकहरुको उत्साहलाई ध्यानमा राखेर भविष्यमा यस किसिमका अन्य आकर्षक अफरहरु ल्याउने बताएका छन् ।  

साथै, बैंकले हालै जारी ग्लोबल मनि वीकअन्तर्गत देशका विभिन्न स्थानहरुमा वित्तीय साक्षरता कार्यक्रम सञ्चालन तथा सोसम्बन्धी जागरण अभियान कार्यक्रमहरुमा भाग लिईरहेका छन ।