अमेरिका–चीन व्यापार सहजताको सम्भावनाका बीच बढ्यो कच्चा तेलको मूल्य

काठमाण्डौ । अन्तर्राष्ट्रिय बजारमा कच्चा तेलको मूल्य बढेको छ । आजको कारोबारमा डब्लुटीआई क्रुड र ब्रेन्ट क्रुड दुबैको मूल्य बढेको हो ।

डब्लुटीआई क्रुडको मूल्य आज ०.८१ प्रतिशत अर्थात ०.५४ डलरले बढेर प्रतिब्यारेल ६६.९२ डलर कायम भएको छ ।

यस्तै ब्रेन्ट क्रुडको मूल्य पनि ०.६६ प्रतिशत अर्थात ०.४४ डलरले बढेर प्रतिब्यारेल ६८.९६ डलरमा कारोबार भईरहेको छ ।

चीन र अमेरिकाबीचको व्यापार सहज बन्ने सम्भावनाका कारण कच्चा तेलको मूल्य बढेको विश्लेषकहरुले बताएका छन् । अमेरिकी राष्ट्रपति डोनाल्ड ट्रम्पले इन्डोनेशियासँग व्यापार सम्झौता घोषणा गर्दै चीनमाथि लाग्दै आएको एआई चिप बिक्रीको प्रतिबन्ध हटाृउने बताएका छन् । जसका कारण दुई देशबीचको व्यापार संकट कम हुने अपेक्षा गरिएको छ ।