_New.gif)
.gif)
.jpg)
.png)
काठमाण्डौ । २०८० सालमा बीमा कम्पनीका लगानीकर्ताहरुले सेयरबजारबाटै १३.७० प्रतिशत सम्म नाफा कमाएका छन् । नेप्सेमा १२ जीवन र १२ निर्जीवन गरी कुल २४ वटा बीमा कम्पनी सूचीकृत छन् ।
२०८० को अन्तिम कारोबार दिनसम्म जीवन बीमा उपसूचक १०२२८.९२ विन्दुमा कायम हुन पुगेको छ । जुन यो अघिल्लो वर्षको तुलनामा ६.०७ प्रतिशत बढी हो । २०७९ सालको अन्तिम कारोबार दिनसम्म जीवन बीमा उपसूचक ९६४३.१७ विन्दुमा कायम भएको थियो ।
त्यस्तै, निर्जीवन बीमा समूह पनि गत वर्षका तुलनामा २२.२६ प्रतिशतले वृद्धि भएको छ । अर्थात् निर्जीवन बीमा समूहका लगानीकर्ताहरुले २२ प्रतिशतसम्म नाफा आम्दानी गरेका छन् । गत वर्षको अन्तिमसम्म ८६०३.३६ विन्दुमा रहेको निर्जीवन बीमा इन्डेक्स यस वर्षको अन्तिमसम्म १०५१८.४८ विन्दु कायम भएको छ ।
यसर्थ समग्रमा बीमा कम्पनीका लगानीकर्ताहरुले यस वर्ष १३.७० प्रतिशतसम्म नाफा आम्दानी गर्न सफल भएका छन् । दोस्रो बजारमा बीमा कम्पनीहरुको सूचीकृत सेयर संख्या कम छ । सेयर संख्या कम भएपछि बजारमा बीमा कम्पनीहरुको माग बढ्ने भएकाले सेयरभाउ पनि बाणिज्य बैंक र हाइड्रो कम्पनीहरुको तुलनामा बढी नै छ ।
यसर्थ बीमा कम्पनीहरुको उपसूचक अन्य समूहको तुलनामा बढी देखिन्छ । साथै पछिल्लो समय सेयरबजारमा बीमा कम्पनीको सेयरमा लगानीकर्ताको आकर्षण पनि देखिन्छ । नेपाल राष्ट्र बैंकको तथ्याङ्कअनुसार पनि सेयरबजारमा हाइड्रोपावर कम्पनीपछि बीमा कम्पनीहरुको सेयर सर्वाधिक कारोबार भएको देखिन्छ । माघ महिनासम्म बीमा कम्पनीहरुले ३० अर्ब ३९ करोड रुपैयाँबराबरको धितोपत्र सूचीकृत गराई बजार पूँजीकरणमा ३६.८ प्रतिशत हिस्सा थप्न सफल भएका छन् ।
यसका साथै २०८० सालभित्र प्रिमियम मूल्यमा आईपीओ ल्याएका ४ जीवन बीमा कम्पनी आइएमई लाइफ, सिटिजन लाइफ, सन नेपाल लाइफ र रिलायबल नेपाल लाइफको पनि दोस्रो बजारमा उच्च कारोबार भएको थियो । यी चार जीवन बीमा कम्पनी अझैपनि लगानीकर्ताको नजरमा छन् ।
प्रिमियम मूल्यमा आईपीओ ल्याएका कारण थप हुन आएको प्रिमियम रकमबाट बोनस बाँड्न पाउने हल्लाले यी चारवटा कम्पनीको स्टक बजारमा ‘हट केक’ समेत बन्न पुगेको थियो ।
साथै नेपाल बीमा प्राधिकरणले बीमा कम्पनीहरुको पुँजी बृद्धि योजना ल्याएकाले पनि बजारमा बीमाको सेयर बढी चहलपहल देखिएको हो । पुँजी बृद्धि गर्न प्रयास गरेका कम्पनीहरुलाई सहुलियतमा हकप्रद जारी गर्न पाउने व्यवस्था गरिदिंदा कतिपयले हकप्रदको प्रस्ताव समेत २०८० सालभित्रै अगाडी बढाइसकेका छन् ।
कुनै कम्पनीले भने पुँजी बढाउनकै लागि उच्च बोनस समेत प्रस्ताव गरेका छन् । जीवन बीमातर्फ सुर्यज्योति लाइफ र सन नेपाल लाइफले पुँजी बृद्धि गर्नका निम्ति उत्कृष्ट लाभांश प्रस्ताव गरेका छन् ।
पुँजी बृद्धि योजनाका विषयले वर्षभरी बीमा कम्पनीहरुको सेयरमा लगानीकर्ताहरुको नजर पर्न गयो । केही लगानीकर्ताहरुले यस्ता खालका नीतिलाई मौका पारेर बजारमा उत्कृष्ट नाफा बुक समेत गरेका छन् । प्रिमियम मूल्यमा आईपीओ ल्याएका ४ जीवन बीमा कम्पनीका सेयरबाट लगानीकर्ताहरुले खरिदबिक्री गरेर नाफा बुक गरेको बजार जानकारहरु बताउँछन् ।
नेप्सेमा रहेका १३ उपसमूहका कम्पनीहरुमध्ये दोस्रो बढी कारोबार हुने समूहमा बीमा उपसूचक परेको छ । यसर्थ यस वर्ष धितोपत्र बजार पुँजीकरण बढाउन बीमा कम्पनीहरुको पनि ठूलो योगदान रहेको छ ।
.png)
(1).jpg)
.png)
(1).jpg)
.png)
.gif)
