विश्वविद्यालयमा विद्यार्थी संगठन प्रतिबन्धविरुद्ध सर्वोच्चमा रिट

काठमाण्डौं । विश्वविद्यालय परिसरमा विद्यार्थी संगठनमाथि लगाइएको प्रतिबन्धविरुद्ध विभिन्न विद्यार्थी संगठनहरूले सर्वोच्च अदालतको ढोका ढकढक्याएका छन् ।

अनेरास्ववियु, अखिल क्रान्तिकारीसहितका संगठनहरूले शुक्रबार सर्वोच्च अदालतमा रिट निवेदन दर्ता गर्दै सरकारको निर्णय तत्काल खारेज गर्न माग गरेका हुन् । 

उनीहरूले उक्त निर्णय संविधानले सुनिश्चित गरेको संगठन स्वतन्त्रतामाथिको हस्तक्षेप भएको दाबी गरेका छन् ।

रिटमा विद्यार्थी आन्दोलन र लोकतान्त्रिक अभ्यासबाट स्थापित अधिकारलाई प्रशासनिक निर्णयमार्फत हटाउन नमिल्ने जिकिर गरिएको छ ।

सरकारको कदमले विश्वविद्यालयको लोकतान्त्रिक वातावरण कमजोर बन्ने तर्क पनि निवेदनमा उल्लेख छ ।