Nabil Bank Limited
Nabil Bank Limited
Bizshala

जीवन बीमा कम्पनीले संकलन गरे रु.१.१० खर्ब प्रिमियम, व्यवसाय बढाउन भने नेशनल लाइफ अब्बल

Global IME Bank Limited
जीवन बीमा कम्पनीले संकलन गरे रु.१.१० खर्ब प्रिमियम, व्यवसाय बढाउन भने नेशनल लाइफ अब्बल
Nabil Bank Limited

काठमाण्डौ । जीवन बीमा कम्पनीहरुले चालु आर्थिक वर्षको तेस्रो त्रैमाससम्ममा १ खर्ब भन्दा बढी बीमा शुल्क संकलन गरेका छन् । नेपाल बीमा प्राधिकरणका अनुसार १४ जीवन बीमा कम्पनीले चैत मसान्तसम्म १ खर्ब १० अर्ब ८ करोड रुपैयाँ कुल बीमा शुल्क आर्जन गरेका हुन् ।  

जीवन बीमा कम्पनीहरुको व्यवसाय गत वर्षको तुलनामा ५।११ प्रतिशतले बृद्धि भएको छ । गत वर्षको यसै अवधिसम्म जीवन बीमा कम्पनीहरुले १ खर्ब ४ अर्ब ७३ करोड रुपैयाँ प्रिमियम संकलन गरेका थिए ।  

तेस्रो त्रैमासम्म १४ मध्ये तीन वटा बीमा कम्पनीको व्यवसाय गत वर्षको तुलनामा खस्किएको छ भने बाँकी ११ वटा कम्पनीले व्यवसाय बढाउन सफल भएका छन् ।  

चैत मसान्तसम्म सबैभन्दा बढी व्यवसाय भित्र्याउने कम्पनीमा नेपाल लाइफ रहेको छ । कम्पनीले सो अवधिसम्म २९ अर्ब ४५ करोड ३९ लाख रुपैयाँ बीमा शुल्क आर्जन गरी सर्वाधिक व्यवसाय गर्ने कम्पनी बनेको छ ।  

त्यस्तै, दोस्रोमा नेशनल लाइफ इन्स्योरेन्सले १२ अर्ब ८९ करोड रुपैयाँ बीमा शुल्क संकलन गरेको छ । यता एलआइसी नेपालले पनि १२ अर्ब ८३ करोड रुपैयाँ प्रिमियम उठाएर तेस्रो स्थान कायम गर्न सफल भएको छ ।  

Shivam Cement
Sagarmatha Cement
Muktinath Bikas Bank Limited

यसका साथै हिमालयन लाइफले १२ अर्ब ३३ करोड ५ लाख रुपैयाँ, सुर्यज्योति लाइफले ६ अर्ब ५२ करोड, एशियन लाइफले ५ अर्ब ७८ करोड, सानिमा रिलायन्स लाइफले ४ अर्ब २७ करोड, सिटिजन लाइफले ४ अर्ब २४ करोड, मेट लाइफले ४ अर्ब १३ करोड, आइएमई लाइफले ३ अर्ब २९ करोड, प्रभु महालक्ष्मीले ३ अर्ब ६ करोड, रिलायबल नेपाल लाइफले २ अर्ब ९८ करोड र सन नेपाल लाइफले २ अर्ब ७८ करोड रुपैयाँ प्रिमियम संकलन गरेका छन् ।  

३ वटा कम्पनीको व्यवसाय खस्कियो  

गत वर्षको तुलनामा यस वर्ष ११ वटा कमपनीको व्यवसाय बृद्धि भएको छ  भने ३ वटा जीवन बीमा कम्पनीको व्यवसाय खस्किएको छ ।  

गत आवको तुलनामा चालु आवमा सर्वाधिक व्यवसाय बढाउन नेशनल लाइफ सफल भएको छ । गत वर्षको चैत मसान्तसम्म ११ अर्ब ३७ करोड रुपैयाँ प्रिमियम उठाएको नेशनल लाइफले चालु आवको यस अवधिसम्म १३.४१ प्रतिशतले बढाएर १२ अर्ब ८९ करोड रुपैयाँ प्रिमियम संकलन गर्न सफल भएको छ ।  

त्यस्तै, प्रभु महालक्ष्मी लाइफको ११.७४ प्रतिशत, एशियन लाइफको ११.५० प्रतिशत, आइएमई लाइफको १०.१९ प्रतिशत, रिलायबल नेपाल लाइफको ८.८१ प्रतिशत, हिमालयन लाइफको ८.७३ प्रतिशत, नेपाल लाइफको ८.०४ प्रतिशत, मेट लाइफको ६.६२ प्रतिशत, सिटिजन लाइफको ५.६५ प्रतिशत, सुर्यज्योति लाइफको ५.१५ प्रतिशत र सानिमा रिलायन्स लाइफको ५.०४ प्रतिशतले व्यवसाय बृद्धि भएको छ ।  

त्यस्तै, तीन कम्पनीको व्यवसाय भने घटेको छ । सर्वाधिक सरकारी स्वामित्वमा रहेको राष्ट्रिय जीवन बीमा कम्पनीको व्यवसाय २२.९९ प्रतिशतले घटेको छ । त्यस्तै, दोस्रोमा सन नेपाल लाइफको ३.०१ प्रतिशत र एलआइसी नेपालको ०.८८ प्रतिशतले व्यवसाय घट्न पुगेको छ ।

 


Nepal Investment Mega Bank Limited
New Office
Mahalaxmi Development Bank
Shikhar Insurance
IME remit

हाम्रो बारेमा

Bizshala.com is a leading financial news portal of Nepal run by SOS Media Pvt Ltd. It especially covers the economy, capital market, real estate, banks and financial institutions, merchant banks and various investment tools, insurance market, tourism, auto industry and other fresh and investigative news. Bizshala, which succeeded in becoming the country's leading economic news portal within a short period of its establishment, has the involvement of experienced and seasoned journalists in the financial field. We believe in investigative, factual and innovative news. We look at every news that the reader is interested in from an economic point of view.