महिला लघुवित्तले वितरणयोग्य मुनाफा सञ्चित गर्ने, सेयरधनी निराश

काठमाण्डौ । महिला लघुवित्त वित्तीय संस्था लिमीटेडले २०८० असार मसान्तसम्मको वितरणयोग्य मुनाफालाई सञ्चित गर्ने भएको छ ।

महिला लघुवित्तको माघ १८ गते अपरान्ह ३ः३० बजे बसेको सञ्चालक समितिको ६९ औं बैठकले आर्थिक वर्ष २०७९-८० का लागि सेयरधनीलाई कुनै पनि लाभांश वितरण नगर्ने निर्णय गरेको हो ।

सो आर्थिक वर्षमा कायम वितरणयोग्य मुनाफालाई सञ्चित गर्ने निर्णयसँगै बैठकले सो अवधिको नाफा नोक्सान हिसाब, नगद प्रवाह विवरण तथा सो सम्बन्धी अनुसूचीहरुलाई स्वीकृत गरेको छ ।

बैठकले सञ्चालक समितिबाट पारित सो आ.ब.को वार्षिक वित्तीय विवरणहरु साधारणसभा प्रयोजनका लागि प्रकाशन गर्न नेपाल राष्ट्रबैंकसमक्ष स्वीकृतिका लागि पेश गर्ने निर्णय समेत भएको छ ।