माछापुच्छ्रे क्यापिटलले फागुन २२ गतेदेखि ‘एमबीएल ईक्विटी फण्ड’ निष्कासन गर्ने

काठमाण्डौ । एमबीएल सामूहिक लगानी कोषअन्तर्गत सञ्चालन हुने ‘एमबीएल ईक्विटी फण्ड’ को इकाई बिक्री यही फागुन २२ गतेदेखि हुने भएको छ । माछापुच्छ्रे बैंक कोष प्रवद्धक र माछापुच्छ्रे क्यापिटल योजना व्यवस्थापक/डिपोजिटरी रहेको यो योजना’को १२ करोड  इकाइको बिक्री आवेदन खुला गरिनेछ ।  

प्रति इकाइ मुल्य रु.१० दरको १२ करोड इकाइमध्ये बीज पूँजी वापत १ प्रतिशत अर्थात १२ लाख इकाई तथा योजना व्यवस्थापक माछापुच्छ्र्रे क्यापिल,१४ प्रतिशत अर्थात १ करोड ६८ लाख कोष प्रवद्धक माछापुच्छ्रे बैंकका लागि गरी कुल निष्कासन गरिने इकाइको जम्मा १५ प्रतिशत सुरक्षित राखि बाँकी न्यूनतम १० करोड २० लाख इकाइ सर्वसाधारणका लागि बिक्री खुला गरिनेछ ।  

लगानीकर्ताले न्यूनतम १०० कित्ता र अधिकतममा १ करोड २० लाख इकाइका लागि आवेदन दिन सक्नेछन् । लगानीकर्ताले नेपाल धितोपत्र बोर्डबाट धितोपत्र दरखास्त संकलनको लागि अनुमति प्राप्त बैंक तथा वित्तीय संस्थाहरु(आस्वा सदस्य) का आस्वा सेवा प्रदान गर्ने सम्पूर्ण कार्यालयहरुबाट आवेदन दिन सक्नेछन्।  

यो योजनाको इकाई बिक्री बन्द छिटोमा फागुन २६ गते र ढिलोमा चैत ७ गते बैंकिङ समयपछि हुनेछ । यो १२ वर्षे अवधिको बन्दमुखी योजना हो। योजनाको धितोपत्र निष्काशन तथा बिक्री प्रबन्धकको रुपमा  आरबिबि मर्चेन्ट बैंकिङ लिमिटेड रहेको छ।